Մեզ շրջապատող աշխարհը փոփոխվում է ամեն վայրկյան: Վերջին հարյուրամյակի ընթացքում մեր հայացքները ևս փոխվել են, և մի քանի իրեր, որոնք առաջ էժանագին կամ անպիտան էին համարվում, այսօր մեծ տարածում ունեն:
1. Դաջվածքներ
Դաջվածքները մարդկային մշակույթի մաս են կազմել շատ երկար ժամանակ, սակայն մի ժամանակ դրանք համարվում էին բանտարկյալների խորհրդանշաններ, այն մարդկանց, ովքեր ծանր հանցանքներ են գործել կամ անտեսված են եղել հասարակության կողմից: Արևմուտքում 1960-ականներին դրանք դարձան բայքերների և հիփփի-մշակույթի նշաններ: Իսկ ահա վերջին ժամանակներում դաջվածքներ անում են գրեթե բոլոր տարիքի մարդիկ:
2. Ջինսեր
Ջինսերի գյուտարար Լիվայ Շտրաուսը 1850-ականներին ԱՄՆ է ներգաղթել Բավարիայից: Այդ ժամանակ հանքագործները փնտրում էին շալվարներ, որոնք դիմացկուն կլինեին և նախատեսված կլինեին երկարատև աշխատանքի համար: Դերձակի օգնությամբ Շտրաուսը կոշտ կտորից տաբատներ կարեց, որոնք բաց կապույտ գույնով ներկեց: Դրանք մեծ տարածում գտան հանքագործ աշխատավորների շրջանում: Հարյուր տարի շարունակ ջինսերը հիմնական օգտագործման ապրանք էին աշխատավոր դասի համար, սակայն 1960-ականների սկզբին երիտասարդությունը այդ դրանք մտցրեց իր զգեստապահարանի մեջ: 1980-ականներին դրանք դարձան ամենատարածված հագուստը բոլոր դասերի և տարիքի մարդկանց համար:
3. Կարտոֆիլ
Կարտոֆիլը հայտնի մթերք էր ինկերի կայսրությունում, այնուհետև այն Եվրոպա տարան իսպանացիները: Եվրոպայում միրգը սառնորեն ընդունեցին, սակայն դրանով սկսեցին կերակրել անասուններին: Շատերն անգամ պնդում էին, որ կարտոֆիլը թունավոր է և հիվանդություններ է առաջացնում: Ֆրանսիայում մինչև 1772 թ. գործում էր օրենք, ըստ որի արգելվում էր աճեցնել և օգտագործել կարտոֆիլ:
4. Արևայրուք
Առաջ գունատ մաշկը գեղեկցության նշան էր համարվում ինչպես Եվրոպայում, այնպես էլ Արևելքում: Ճապոնիայում և Չինաստանում կանայք սպիտակ դիմափոշի էին օգտագործում գունատության հասնելու համար: Սպիտակ մաշկը նորձև էր համարվում նաև վիկտորիանական դարաշրջանում, այդ իսկ պատճառով էլ տուբերկուլյոզով տառապող կանայք հմայիչ էին համարվում: 20-րդ դարում դիզայներ Կոկո Շանելը նոր էր վերադարձել հանգստից և թեթևակի արևահարվել էր: Այդ օրվանից ի վեր արևայրուքով մաշկը դարձավ լավ և թանկարժեք հանգստի խորհրդանիշ:
5. Հավի թևիկներ
Buffalo հավի թևիկները հայտնվել են 1960-ականներին «Անքոր» բարի ղեկավար Թերեզա Բելլսսիմոյի կողմից: Եվ դրանք դարձան ամենահայտնի ուտեստը ոչ միայն ԱՄՆ-ում, այլև ողջ աշխարհում: Սակայն մինչ այդ թևիկները համարվում էին հավի ամենաանպիտան մասը: Դրանցով կամ ապուր էին պատրաստում, կամ էլ ուղղակի դեն էին նետում:
