Դերասանուհի, հաղորդավարուհի Մերի Հակոբյանն նոր աշխատանքային առաջարկ է ստացել և արդեն տաս օր է աշխատում է Երևանի ակումբներից մեկում՝ որպես հաղորդավարուհի: BlogNews.am-ի հետ զրույցում Մերին պատմել է նոր աշխատանքի մանրամասները. «Ես ակումբում աշխատելու և վարելու փորձ մինչ այս չեմ ունեցել.սա իմ առաջին քայլերն են: Իմ գործընկերը Սամվել Գրիգորյանն է և պետք է ասեմ, որ ինձ համար մեծ պատիվ է աշխատել նրա հետ, քանի որ նա շատ պրոֆեսիոնալ է: Նա ինձ կոփում է,  ինչն ինձ համար շատ կարևոր է: Քանի որ աշխատանքը 21:30-ից է սկսում, հարմար է այն առումով, որ ես նկարահանումներն արդեն ավարտած եմ լինում»,-պատմում է Մերին և ավելացնում որ Սամվելի հետ հետագայում միտում ունեն հարսանիքներ վարել, ինչը Մերիի համար նոր աստիճան կարող է հանդիսանալ:

Մերիի աշխատանքային ժամերը երեկոյան են, բայց ասում է՝ կյանքի այդ գրաֆիկին սովոր է. «Երբ չի լինում երկրորդ աշխատանքը, նկարհանումները կարող են տևել մինչև երեկոյան երկուսը-երեքը, բայց այս դեպքում ես պայմանավորվածություն ունեմ նոր նախագծի հետ և աշխատում եմ մինչև այն ժամը, երբ սկսվում է իմ ակումբային աշխատանքը: Անկեղծ ասած՝ ծանրաբեռնվածությունը ինձ չի վախեցնում և այսպես ասեմ, եթե լիներ առաջարկություն երրորդ աշխատանքի ես կընդունեի: Ես մտածում եմ՝ ինչքան կարող ես այդքան էլ պետք է աշխատես»:

Երիտասարդ դերասանուհին չնայած իր տարիքին բավականին ինքնուրույն և անկախ է: Ասում է, որ ակումբային աշխատանքը նաև ֆինանսական առումով էլ է հարմար. «Սիրում եմ, երբ  աշխատանքը ինձ դրական էմոցիաներ է տալիս և այս ոլորտում աշխատելը բավականին հետաքրքիր է: Ֆինանսական առումով էլ է լավ: Ես շատ անգամներ եմ նշել, որ ես բարձր վարձատրվող դերասանուհի եմ և դա պարզապես բառեր չեն: Իմ աշխատավարձը ինձ բավականացնում է, բայց պետք է միշտ ձգտել ավելիին»:

Մինչ այս ակումբում ոչ մի խնդիրներ չեն եղել, հակառակը՝ Մերին նշում է, որ հաճախ են նրան մոտենում, լուսանկարվում և դրական խոսքեր ասում:

Նյութը՝ Սիրանուշ Գրիգորյանի

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել