Ես երբևէ պաշտոնին կառչելու խնդիր չեմ ունեցել: Այս մասին «Ազատություն» ռադիոկայանի ֆեյսբուքյան ասուլիսի ժամանակ ասաց աշխատանքի և սոցիալական հարցերի նախարար Արտեմ Աասատրյանը` պատասխանելով հարցին, թե ո՞րն է նախարարի` պաշտոնին մնալու երկարակեցության գաղտնիքը:
Ասատրյանը նշեց նաև, որ պաշտոն զբաղեցնելն իր համար նպատակ չի եղել և նպատակ չէ: «Փոխարենը խորհուրդ կտայի մեր քաղաքացիներին նայել` արդյո՞ք իրենք իրենց աշխատանքում ամեն օր անում են այն գործը, որը նպաստում է երկրի բարօրությանը: Ես կառուցողական քննադատությանը շատ կողմ են, քանի որ այն հասարակական վերահսկողության մեխանիզմն է նաև ապահովում: Սակայն միշտ ստացվում է այնպես, որ դրականի մասին մոռացվում է, իսկ բացասականի մասին` անընդմեջ խոսվում»,-ասաց նախարարը:
Այն, որ սոցիալական ոլորտի խնդիրների մասին քաղաքացիներն այդքան շատ են բարձրաձայնում, ըստ Ասատրյանի, նաև նախարարության «շնորհքն» է` նախարարությունը թափանցիկ է աշխատում.«Համակարգի խնդիրները մենք երբեք չենք թաքցրել»:
Նյութի աղբյուր՝ http://www.yerkir.am/news/view/133857.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել