Հայտնի աստղերն աստղաբաշխական գումարներ են վաստակում, ու նրանցից շատերն այն վատնում են խելահեղ, շքեղ բաների վրա, ինչպիսիք են թանկարժեք մեքենաները, ինքնաթիռներն ու ուղղաթիռները կամ էլ զարդերն ու հագուստը։ Շատ դեպքերում մենք տեսնում ենք այդ ամենը, բայց կա մի բան, որի վրա հայտնի մարդիկ մեծ գումարներ են ծախսում, բայց հեռու են պահում մեր ուշադրությունից՝ նրանց տները։ Այսօր յուրահատուկ օր է․ մենք տենելու ենք մի քանի հայտնի աստղերի շքեղ տները։
Թեյլոր Սվիֆթ
Թեյլորն ունի մի քանի տուն։ Իր կարիերայի ամենասկզբից նա որոշել է ունենալ իր տունը։ Բեվերլի Հիլսի այս տունը Թեյլորի ամենավերջին տունն է։ Այն արժի 25 միլիոն դոլար։ Տունն ունի 6 ննջասենյակ, 5 լոգասենյակ, լողավազան, թենիսի դաշտ, խոհանոց, հյուրերի սենյակ, ավտոտնակ ու շատ այգիներ։
Սմիթներ
Ուիլլ Սմիթը նախընտրել է ոչ թե գնել, այլ կառուցել իր երազանքների տունը։ Տան ոճը հատուկ է հնագույն մշակույթներին։ Տունը հսկայական չափսերի է, ունի լողավազան, լիճ, թենիսի, բասկետբոլի ու վոլեյբոլի և նույնիսկ գոլֆի դաշտեր։
Մայլի Սայրուս
Մայլին վերջերս 4 միլիոն դոլար է ծախսել՝ իր երազանքների տունն ունենալու համար։ Այն 7-սենյականի մեծ, գեղեցիկ տուն է՝ 6 լոգասենյակով։ Տունը շրջապատված է բազմաթիվ այգիներով, ունի լողավազան, սպա, մանղալ ու գինու մառան։
Քիմ և Քանյե
Քիմ Քարդաշյանն ու Քանյե Ուեսթը հպարտանալու տեղ ունեն իրենց տնով։ Տունն ունի 2 սպա, 2 մանղալ, լողավազան ու խնջույքների առանձին սրահ։
Ջասթին Բիբեր
Ջասթին Բիբերն իրականում դեռ տուն չի գնել, բայց նա վարձով է ապրում տարբեր թանկարժեք ու շքեղ տներում։ Վերջին՝ ապակե տան համար նա ամսական վճարում է 60.000 դոլար։ Տան հատակը, առաստաղն ու պատուհանները պատրաստված են ապակուց։
Ռիհաննա
Ռիհաննայի տունն արժի 12 միլիոն դոլար։ Այն գտնվում է Լոս Անջելեսում և ունի 7 ննջասենյակ ու 9 լոգասենյակ։ Այն այնքան մեծ է, որ երգչուհին պարբերաբար հրավիրում է ընկերներին ու ընտանիքի անդամներին՝ մնալու իր տանը։ Ամենայուրօրինակը տան տեսարանն է։ Ռիհաննան ասում է, որ արթնանում է ամեն արևածագին՝ տեսարանը վայելելու համար։ Նրա ննջասենյակում կա լողավազան՝ լուսավորությամբ ու շատրվաններով։
Լեդի Գագա
Լեդի Գագան հայտնի է իր սկանդալային հանդերձներով ու խենթությամբ։ Նրա տունն էլ արտասովոր է։ Մալիբուի՝ 24 միլիոն դոլար արժողությամբ տունն ունի ամեն բան, ինչ կարող է անցնել մտքներովդ՝ մարզասրահ, բոուլինգի խաղասենյակներ, ձիարշավարաններ։ Այն ունի նաև լողավազան, ջակուզի, գինու մառան և այլն։
