Life.panorama.am-ը գրում է.
Հոգեբան Ռուբեն Պողոսյանի վիճակը շարունակում է մնալ ծայրահեղ ծանր: Առաջին համալսարանական հիվանդանոցի գլխավոր բժիշկ Արեն Բաբլումյանը Հանրային հեռուստաընկերությանը տված հարցազրույցում նշում է, որ մինչև հիվանդանոց հասնելը 70-ամյա հոգեբանն արդեն կրիտիկական չափով արյուն էր կորցրել: Բժշկի փոխանցմամբ՝ տուժածի դեմքին ու վերին վերջույթներին բազմաթիվ կտրած վերքեր կան: Վիրահատական միջամտությունից հետո արնահոսությունը դադարել է, արյան փոխներարկում է կատարվել:
«Վիճակը շարունակում է մնալ ծայրահեղ ծանր՝ հաշվի առնելով նաև այն հանգամանքը, որ հիվանդը 3 տարի առաջ սուր ինֆարկտ էր ստացել, ենթարկվել սրտի ստենտավորման»,-նշել է Բաբլումյանը՝ հավելելով, որ Պողոսյանի մոտ կրկին ինֆարկտ է զարգացել: Նշենք, որ այսօր ժամը 14.00-ի սահմաններում այցելուներից մեկը հոգեբանի գրասենյակում կտրող ծակող գործիքով տասնյակ հարվածներ է հասցրել վերջինիս գլխին և վերջույթներին:
Ամբողջական հոդվածը կարող եք կարդալ այստեղ: