Այսպես՝ հուլիսի 7-ին Զահրայի մահվան կապակցությանբ Իլհամ Ալիևին իր ցավակցություններն է հայտնել, չզարմանաք, Գյանջայում գործող Նիզամիի միջազգաին կենտրոնը։ Մի կառույց, որն ամբողջությամբ վերահսկվում է Իլհամ Ալիևի աշխատակազմի կողմից։ Հիշեցնեմ, որ այդ կառույցը նաև Բաքվի նավթախավիարային դիվանագիտության մասն է կազմում։ Այդ կենտրոնի համանախագահներն են մի շարք արևելաեվրոպական երկրների նախկին նախագահները, որոնք իրենց հարազատ երկրներում, վաղուց անցած լինելով պատմության գիրկը և չունենալով ֆինանսներ վաստակելու այլ միջոց, անդամագրվել են Իլհամ Ալիևի կողմից ստեղծված այս կենտրոնին, բավական լավ գումարներ են վաստակում և մի լավ շրջագայում ադրբեջանցիների հաշվին։
«Զահրայի կազուսից» հետո, երբ պաշտոնական Բաքուն սպասում էր համաշխարհային մասշտաբի հակահայկական հիստերիայի, սակայն, բացի Թուրքիայից և Պակիստանից, ոչ ոք չդատապարտեց Հայաստանին, իսկ շատ երկրներ և միջազգային կառույցներ չցավակցեցին Իլհամ Առաջինին, Ադրբեջանում որոշեցին ցավակցողների և Ադրբեջանի տարածքային ամբողջականությունը պաշտպանողների թիվն ավելացնելու համար նաև ցավակցել սեփական երկրի տարածքում և իշխանությունների կողմից վերահսկվող կառույցների անունից։ Այսինքն՝ ստացվում է, որ Իլհամ Ալիևն ինքն իրեն է ցավակցել։
Կարծում եմ՝ ցավակցողների և Հայաստանին դատապարտողների պակասը Ալիևի աշխատակազմը կարող է, օրինակ, լրացնել նաև երկրի փոխնախագահի, «Հեյդար Ալիև հիմնադրան»-ի, ադրբեջանական նախարարությունների, պետական կառույցների Գյանջայի, Մինգեչաուրի, Գաբալայի, Բաքվի շրջանների գործադիր իշխանությունների, Ադրբեջանի տարածքում գործող դպրոցների և այլ հաստատությունների, Ալիևների դերձակների, վարորդների, մաքրողների և այլնի անունից Հայաստանին դատապարտող և Ալիևին ցավակցող հայտարարություններով։ Թող Ալիևն ուրախանա, որ հայերին այդքան դատապարտող և քննադատող կա, ինչպես նաև Ադրբեջանի տարածքային ամբողջականությունը պաշտպանողներ։ Ջհանդամը, որ դրանք ադրբեջանական կառույցներ են և հատկապես Իլհամ Ալիևի ընտանիքի անդամներն են կամ նրանց սպասարկողներ։
Ծիծաղելի է։ Բայց սա արդեն աբսուրդի ժանրից է։ Իլհամ բաբայի մոտ մարազմը խորանում է։ Ո՞նց կարող էր մարդն իր կողմից վերահսկվող կառույցի անունից ինքն իրեն ցավակցել։
Նյութի աղբյուր՝ https://www.facebook.com/gagik.hambaryan/posts/1418421701575108
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
