Tert.am-ը գրում է.
Կանաչների միության նախագահ Հակոբ Սանասարյանը լրագրողների հետ զրույցում բարձրաձայնեց Վայոց ձորի Թեք սարին և հարակից արգելավայրին սպառնացող վտանգների մասին:
Նրա խոսքով՝ Եղեգիս,Մալիչկա գետերը և Արփայի մյուս վտակները ծանր մետաղներով թունավորման վտանգի տակ են՝ տեղի հանքավայրերի շահագործման պատճառով: Նրա պատմելով՝ «Վայք մետալ» ընկերությունը որոշել է հանքավայր շահագործել:
«Դա իրականում կապարի և ցինկի հանքաքար է: Շահագործման հետևանքով՝ մի հարվածով ամբողջ ջրային համակարգերն ավիրվելու են»,- զգուշացրեց բնապահպանը:
Հակոբ Սանասարյանի դիտարկմամբ՝ ծանր մետաղները կարող են վնաս հասցնել կենդանական և բուսական աշխարհին: Դրա հետևանքով, ըստ նրա, վնասվում է հողի պտղաբերությունը, ինչպես նաև՝ մարդկանց և կենդանիների առողջությունը. կարող է քաղցկեղ, չբերություն և բազմաթիվ այլ արատներ առաջանան:
Ամբողջական հոդվածը կարող եք կարդալ այստեղ
