Մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստով հարուցված քրեական գործի նախաքննությունն ավարտվել է:
Այս մասին Tert.am-ի հետ զրույցում ասաց «Իգլա» տեսակի զենիթա-հրթիռային համալիր տեղափոխելու փաստով հարուցված քրեական գործի շրջանակներում կալանավորված ԼՂՀ ՊԲ պաշտպանության բանակի նախկին հրամանատար Սամվել Բաբայանի պաշտպան Ավետիս Քալաշյանը:
«Քրեական գործի նախաքննություն ավարտվել է, այժմ գործն ուղարկվել է կողմերին, որպեսզի ծանոթանանք»,-ասաց Քալաշյանը:
Հարցին,թե նախաքննության փուլում արված գործողությունները, որպես պաշտպանի, բավարարո՞ւմ են իրեն, Ավետիս Քալաշյանն ասաց, որ այդ հարցի պատասխանը կունենա նյութերին ծանոթանալուց հետո.«Գործը կուղարկվի, կծանոթանամ և այնուհետև կիմանամ՝ բավարա՞ր են արդյոք կատարված գործողությունները, թե ոչ»:
Ամբողջական հոդվածը կարող եք կարդալ այստեղ։
Նյութի աղբյուր՝ http://www.tert.am/am/news/2017/06/19/Igla/2406991
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել