Փոշին մեր համակարգիչների հիմնական թշնամիներից մեկն է։ Անկախ նրանից, թե ինչքան ենք փորձում այն մաքուր պահել, օդում եղած փոշին, միևնույն է, հայտնվում է դրանում՝ խափանելով համակարգչի բնականոն աշխատանքը։
BlogNews-ը հավաքել է մի քանի խորհուրդներ, որոնք կօգնեն Ձեզ հեշտությամբ ազատվել փոշուց և կեղտից։
Մաքրեք մոնիտորը
Փոշին մոնիտորից մաքրելու համար մարդիկ շատ հաճախ օգտագործում են սովորական չոր անձեռոցիկներ, սակայն դրանք չեն կարողանում հավաքել փոշին և փոքրիկ խազեր են թողնում մոնիտորի մակերևույթին։ Այդ անձեռոցիկների փոխարեն պետք է օգտագործել միկրոհյուսվածքից պատրաստված կտոր։
Մաքրող հեղուկ
Շատ մարդիկ որպես մաքրող հեղուկ են օգտագործում ալկոհոլը, սակայն իրականում այն միայն վնասում է համակարգչին։ Լավագույն մաքրող հեղուկը ստանալու համար հավասար չափաբաժիններով իրար խառնեք ջուրն ու սպիտակ քացախը և թեթև խոնավեցնելով կտորը՝ մաքրեք համակարգիչը։
Ազատվեք խազերից
Խազերից ազատվելու համար կարելի է օգտագործել ատամի մածուկ։ Պարզապես քսեք այն խազի վրա, թողեք չորանա և մաքրեք փոքր-ինչ խոնավ կտորով։
Հեռացրեք փոշին ստեղնաշարից
Ստեղնաշարում կուտակված կեղտն ու փոշին կարելի է հեշտությամբ մաքրել սովորական վարսահարդարիչի օգնությամբ։ Պարզապես անջատեք համակարգիչը և վարսահարդարիչը թեքության տակ պահեք ստեղնաշարի վրա. օգտագործեք բացառապես սառը օդը։
Հեռացրեք փոշին դժվարամատչելի վայրերից
Դա անելու համար կարելի է օգտագործել գնդաձև ներարկիչ-օդամղիչ։ Այսպիսի ներարկիչը կարող է օգնել ազատվել նույնիսկ ամենափոքր անցքերում կուտակված փոշուց։ Ընտրելիս վերցրեք առնվազն 0.4լ ծավալով ներարկիչ, քանի որ ավելի փոքրը չի կարող օդի բավականաչափ մեծ հոսք ստեղծել։
