Ողջույն: Արդեն մեկ շաբաթ է՝ քաշս չի փոխվում: Ընդամենը 200 գրամ եմ նիհարել: Ի՞նչ եք կարծում, արժե՞ բեռնաթափման օր անցկացնել:
Ահա, համացանցում գտա կաթնաթեյի հրաշագործ միջոց, որն օգնում է 1 օրվա ընթացքում 0.5-3 կգ նիհարել: Ցանկանում եմ փորձել: Թեյը զգալիորեն թեթևացնում է կաթնայուղերի յուրացումը, այդ պատճառով կաթնաթեյ կարող են խմել նույնիսկ աղեստամոքսային տրակտի խնդիր ունեցողները: Թեյի մեջ պարունակվող տանին նյութը ստամոքսի լորձաթաղանթը պաշտպանում է կաթնամթերքի խմորումից: Իր հերթին, կաթը նկատելիորեն թուլացնում է ալկալոիդների և կոֆեինի ազդեցությունը:
Կաթնաթեյը նվազեցնում է ախորժակը և օրգանիզմից հանում հեղուկը. այն միզամուղ և լեղուցքամուղ հատկություն ունի: Կաթնաթեյի օգտագործման ոլորտը բավական լայն է. դիետայից և օրգանիզմի մաքրումից բացի՝ այն օգտագործվում է սրտի և երիկամների հիվանդությունների, ինչպես նաև քայքայված նյարդային համակարգի դեպքում:
Կաթնաթեյի բաղադրատոմսեր
Կարելի է օգտագործել ինչպես սև, այնպես էլ կանաչ թեյ (կամ դրանց խառնուրդը): Կաթնաթեյ պատրաստելու համար անհրաժեշտ է եռացնել 1-1.5 լիտր ոչ յուղոտ կաթ (օրինակ՝ 1.5-2.5% յուղայնությամբ), այն հանել գազօջախից, ավելացնել 3 ճաշի գդալ թեյ և թրմել (շուրջ 20 րոպե): Կարելի է կաթնաթեյը քաղցրացնել բնական մեղրով (նշված ծավալի համար 1-2 ճաշի գդալը բավարար է): Ստացված մթերքը չի կարելի ամուր փակել կամ լցնել թերմոսի մեջ, որպեսզի չթթվի: Կաթնաթեյը պահել սառնարանում:
Կաթնաթեյն օգտագործում են բեռնաթափման օրերին: Անհրաժեշտ է հիշել, որ մեկ օրից ավելի այն չպետք է կատարել. առավելագույն արդյունք կարելի է ստանալ միայն առաջին օրը: Կաթնաթեյը խմում են ավելացված տեսքով (1 բաժին թեյին՝ 1 բաժին եռացրած ջուր): Այս համամասնությունը կարելի է փոխել՝ ավելացնելով ջրի քանակությունը:
Դիետոլոգները խորհուրդ են տալիս յուրաքանչյուր 2 ժամը մեկ 1 բաժակ կաթնաթեյ խմել: Բայց այդպես մեռնել կարելի է: Մի ժամանակ ես կրեմլյան դիետա էի անում և հենց նման փուլում բեռնաթափման օր կատարեցի կաթով և տոմատի հյութով: Դա օգնեց մինչև 1 կգ նիհարել:
Վաղը կփորձեմ կաթնաթեյը և կգրեմ մանրամասները:
