Azatutyun.am-ը գրում է.
Գերմանիան սկսում է դուրս բերել իր զորախումբը թուրքական Ինջիրլիքից: «Մեզ այլ բան չի մնում», - ժամեր առաջ հայտարարեց արտգործնախարար Զիգմար Գաբրիելը՝ Անկարայում թուրք գործընկերոջ հետ հանդիպումից հետո:
Գաբրիելը Անկարա էր ժամանել՝մի վերջին անգամ հորդորելու Թուրքիայի իշխանություններին թույլ տալ Բունդեսթագի պատգամավորների մուտքը ռազմակայան, որտեղ շուրջ 250 գերմանացի զինվոր է տեղակայված: Դռնփակ բանակցությունները, սակայն, ըստ էության արդյունք չտվեցին:
«Իմ թուրք գործընկերը բացատրեց, որ այս իրավիճակում Թուրքիան չի կարող արտոնել գերմանացի օրեսդիրների մուտքը Ինջիլիք՝ներքաղաքական պատճառներով: Ցավում եմ դրա համար: Մյուս կողմից,ես էլ խնդրեցի ըմբռնումով մոտենալ այն փաստին, որ նույն այդ՝ ներքին հարցերի պատճառով Գերմանիան էլ պետք է դուրս բերի իր զինվորներին Ինջիրլիքից: Գերմանիայում բանակը խորհրդարանին է ենթարկվում, և Բունդեսթագը հստակ պահանջում է, որ պատգամավորները կարողանան տեսակցել զինվորներին ցանկացած ժամանակ», - ասաց Զիգմար Գաբրիելը:
Ամբողջական հոդվածը կարող եք կարդալ այստեղ: