Ներկայացնում ենք հատված «Հրապարակ»-ի խմբագրականից:
«Որ կայքն ու թերթը բացում ես, 2018-ի հետ կապված գուշակություններ են: 2018-ին է դադարում գործել կիսանախագահական ինստիտուտը և ավարտվում անցումը խորհրդարանականին: Իսկ կանխատեսումները շատ են՝ Կարեն Կարապետյանը 2018-ին վարչապետ չի նշանակվելու, գրում է մեկը: Սերժ Սարգսյանն է զբաղեցնելու վարչապետի պաշտոնը մինչև 2022 թվականը: Գործող Ազգային ժողովի և կառավարության կազմում մեծ փոփոխություններ կլինեն, այդ թվում կփոխվի «ժամանակավոր» հռչակված ԱԺ նախագահ Արա Բաբլոյանը: Կարեն Կարապետյանը կհեռանա իր թիմի հետ: Իսկ մինչ այդ նա կաշխատի ամրապնդվել՝ հենվելով Սամվել և Կարեն Կարապետյանների, Հովիկ Աբրահամյանի, անգամ Գագիկ Ծառուկյանի վրա, որի հետ հակասությունների մասին էլ է մամուլը շարունակ գրում: Մեկ այլ պարբերականում Գագիկ Ծառուկյանի դաշինքը մտցնում է կոալիցիա՝ միավորվում Հանրապետականի հետ: Ուրիշ շատ կանխատեսումներ ու վարկածներ էլ են շրջանառվում, որոնց, անշուշտ, պետք է վերաբերվել որպես ընթերցանության ուշագրավ նյութ, բայց ոչ վերջին ատյանի ճշմարտություն: Առաջիկա մեկ տարվա մեջ շատ ջրեր կհոսեն, ու թե ով կհասնի 2018-ի «իշխանափոխության» հանգրվանին, այսօր դժվար է ասել»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել