Araratnews.am-ը գրում է.
Ընդդիմադիր «Երկիր ծիրանի» կուսակցության քաղաքապետի թեկնածու Զարուհի Փոստանջյանի դուստրը՝ Լիլիթ Դրամփյանը, դեռ գտնվում է «Արմենիա» բժշկական կենտրոնում: Այս մասին Araratnews.am-ին հայտնեց Զարուհի Փոստանջյանը:
«Գիշերը նորմալ է եղել, բացի ճնշման բարձրացումից բան չի եղել»,- մանրամասնեց Փոստանջյանը, հիշեցնելով, որ դստեր մոտ ախտորոշվել է ուղեղի ցնցում:
Նշենք, որ լրատվամիջոցներից մեկի հետ զրույցում «Արմենիա» ԲԿ փոխտնօրեն Արսեն Գրիգորյանը եւս հաստատել է, որ Լիլիթ Դրամփյանի մոտ ախտորոշվել է ուղեղի ցնցում:
Հիշեցնենք՝ երեկ Զարուհի Փոստանջյանը ընտրակաշառք բաժանելու ահազանգ էր ստացել եւ դստեր հետ միասին գնացել Տարոն Մարգարյանի՝ Ավան վարչական շրջանի շտաբ:
Շտաբում, Փոստանջյանի պնդմամբ, Հանրապետական կուսակցության ներկայացուցիչներն նրանց նկատմամբ բռնություն են գործադրել, ապա ոստիկանները նրանց քաշքշելով դուրս են հանել շտաբից:
Զարուհի Փոստանջյանին փորձել էին բերման ենթարկել, սակայն չէր ստացվել, իսկ նրա դստերը ոստիկանական մեքենայով տարել էին:
- See more at: http://araratnews.am/phostanjyani-dster-mot-axtoroshvel-e-ugheghi-cncum/#sthash.fWVUd3Yz.dpuf
