Azatutyun.am-ը գրում է.«Ազատություն»-ը զրուցել է Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանի հետ ՀՀԿ-ի քաղաքապետի թեկնածու, գործող քաղաքապետ Տարոն Մարգարյանի շտաբերից մեկում ընտրակաշառաք բաժանելու մասին՝ «Ելք» դաշինքի ահազանգիվերաբերյալ։
Ստորև ներկայացնում ենք հատված Մուկուչյանի հետ մեր զրույցից:
«Ազատություն». - Պարոն Մուկուչյան, «Ելք» դաշինքը տեսանյութ է հրապարակել, համաձայն որի, պնդում է, որ Տարոն Մարգարյանի Մալթիա-Սեբաստիա համայնքի շտաբերից մեկում 20 հազար դրամ ընտրակաշառք է բաժանվել, և նաև ականատես լրագրողը, կարծես թե խոսում է, որ տեսել է քվեարկած քվեաթերթիկներ։ Դուք ծանո՞թ եք սրան, և հնարավոր համարո՞ւմ եք, որ նման բան տեղի ունեցած լինի։
Մուկուչյան. - Տեղեկությանը ծանոթ եմ, որովհետև այդ նյութերը հրապարակային են, այդ նյութերին ծանոթացել ենք։ Հիմա նյութերի վերաբերյալ իրենք նաև հաղորդում են ներկայացրել, և, բնականաբար, պետք է, իրավապահ մարմինների կողմից իրականացվեն գործողություններ։ Դուք գիտեք, որ արդեն տեսանյութերից էր պարզ, որ հաղորդումները ներկայացված են։ Ինչ վերաբերում է հանգամանքների ճշգրտման հետ կապված խնդիրներին, մասնավորապես, քվեաթերթիկների հետ կապված, մենք փորձում ենք պարզաբանումներ ստանալ այդ կապակցությամբ։ Պարզաբանվել են, որ դրանք որևէ կապ չունեն այն քվեաթերթիկների հետ, որոնք քվեարկության օրը տրամադրվելու են քաղաքացիներին, նմուշը նույն է, դա քարոզչական բնույթ կրող նյութ է, որի վրա առկա է նմուշ ձևակերպումը, տպաքանակ է գրված, և դա ծառայել է որպես քարոզչական բնույթի նյութ, որպեսզի դրանով պարզաբանվի ընտրողների հետ հանդիպումների ժամանակ, թե ինչպես պետք է իրականացվի քվեարկությունը։ Մեզ տրված պարզաբանումը եղել է այդպիսին։
«Ազատություն». - Ո՞վ է նման պարզաբանում տվել։
Մուկուչյան. - Փորձել ենք հասկանալ այն շտաբից, որտեղից որ տեղեկատվությունը ստացվել էր, թե ինչ քվեաթերթիկներ են, որովհետև շրջանառվում էր քվեաթերթիկներ եզրույթը, հասկանալու համար, թե ինչի մասի է խոսքը, որովհետև քվեաթերթիկները գտնվում են տարածքային հանձնաժողովներում, դրանք դեռևս տեղամասային հանձնաժողովներին էլ չեն հատկացվել, և ընդհանրապես դրանք որևէ մեկին չեն էլ տրամադրվել, և պարզաբանումը եղավ այդպիսին, որ դրանք քվեաթերթիկի նմուշը հաստատելուց հետո իրենք այդ ձևանմուշը վերցրել են և վրան նմուշ ձևակերպմամբ՝ նշված է նմուշ, նշված է տպաքանակ, և այդ եղանակով զուտ որպես քարոզչական նյութ, այսինքն՝ այդ քվեաթերթիկները որևէ եղանակով չեն կարող քվեարկության ժամանակ օգտագործվել։
«Ազատություն». - Իսկ կարելի՞ է վերցնել այդ նմուշը և օգտագործել որպեսզ քարոզչական նյութ։
Մուկուչյան. - Որևէ սահմանափակում առկա չէ։
Ամբողջական հոդվածը կարող եք կարդալ այստեղ։
