Աշխատանքի ընթացքում քնելը շատ վատ հետևանքներ կարող է առաջացնել, բայց ինքնաթիռի բորտուղեկցորդների դեպքում սա պարտադիր պայման է: Ինքնաթիռում թռչելիս գրեթե բոլորին է հետաքրքրում այն, թե որտեղ են հանգստանում օդանավի անձնակազմի անդամները:
Virgin Australia ավիաընկերությունը վերջերս հրապարակել է լուսանկարներ, թե իրենց աշխատակիցները Boeing 777-300ER տեսակի ինքնաթիռի որ մասում են հանգստանում: Բորտուղեկցորդներին քնելու համար հատկացված է 8 հատ մեկտեղանոց սենյակ, որոնք գտնվում են էկոնոմ դասի նստատեղերի վերևում: Իսկ օդաչուների համար նախատեսված սենյակներն ունեն երկտեղանոց մահճակալներ, որոնք էլ գտնվում են բիզնես դասի նստատեղերի վերևում:
Սակայն յուրաքանչյուր ինքնաթիռում պայմաններն այլ են: Օրինակ՝ Boeing 787 Dreamliner ինքնաթիռները, որոնք ամենաշատը օգտագործվում են ամերիկյան United Airlines և American Airlines ավիաընկերությունների կողմից, իրենց աշխատակիցների համար ունեն համեմատաբար ավելի ընդարձակ ու հարմարավետ սենյակներ, որոնք թաքնված են ինթնաթիռի տարբեր հատվածներում:
Լուսանկարում նաև երևում է, թե որտեղ է գտնվում այն ճանապարհը, որը տանում է դեպի հանգստի սենյակներ:
