PanARMENIAN.Net-ը գրում է.
Մայիսի 1-ին մեկնարկել են Ադրբեջանի և Թուրքիայի ԶՈւ համատեղ ռազմատակտիկական զորավարժությունները: Կիրառվելու են հրետանային կայանքներ, զրահատեխնիկա, ականանետեր, մասնակցելու են մարտական և տրանսպորտային ուղղաթիռներ, ինչպես նաև ՀՕՊ և զենիթահրթիռային ստորաբաժանումներ:
«Ըստ Ադրբեջանի և Թուրքիայի միջև ռազմական համագործակցության մասին համաձայնագրի, մայիսի 1-5-ը կանցկացվեն համատեղ տակտիկական զորավարժություններ երկու երկրներին ԶՈւ մարտական մասնակցությամբ»,-ասվում է Ադրբեջանի ՊՆ հաղորդագրության մեջ:
Ըստ պաշտպանական գերատեսչության, զորավարժությունների հիմնական նպատակն է համակարգման բարելավումն Ադրբեջանի և Թուրքիայի ԶՈւ միջև փորձի փոխանակման միջոցով, ինչպես նաև ստորաբաժանումների փոխգործակցությունը կենտրոնակայանների համատեղ պլանավորման, մարտական գործողություններ իրականացնելու միջոցով:
Ավելի վաղ հայտնի դարձավ, որ հունիսի 4-14-ը Վրաստանում կանցկացվեն Վրաստանի, Թուրքիայի և Ադրբեջանի համատեղ զորավարժություններ: