Operativ.am-ը գրում է․
«YouTube»-ի օգտատերը՝ «Kevin N» մականունով, հայտնաբերել է «iOS» բջջային օպերացիոն համակարգի արտասովոր մի սխալ, որը թույլ է տալիս «iPhone»-ին «կախել»: Իր փորձը նա ցույց է տվել նկարահանված տեսանյութով: Այս մասին գրում է «Российская Газета»-ն:
Նրա խոսքով՝ որպեսզի ժամանակավորապես սմարթֆոնը «աղյուսի» վերածեք, անհրաժեշտ է բացել հավելվածի «Կարգավորումներ» բաժինը և ընտրել «Կառավարման կետ» կոճակը: Այնուհետև բավարար է հետ բերել ծրագիրը, քաշել վերևի հատվածի պատուհանը և միաժամանակ սեղմել «AirDrop», «Night Shift» կոճակներն ու ներքին շարքի գործիքներից մեկը:
Դրանից հետո սմարթֆոնը կախում է և կվերականգնվի միայն անջատել-միացնելուց հետո: Նշվում է, որ որոշ դեպքերում հարկ է լինում մի քանի անգամ անջատել-միացնել հեռախոսը, որովհետև կորչում է «Wi-Fi»-ի կապերի հնարավորությունը: