Ապրիլի 21-ին տեղի է ունեցել Հայոց ցեղասպանությանը նվիրված «Խոստումը» ֆիլմի պրեմիերան։ Առաջին ցուցադրությունից հետո մի շարք հայտնիներ ու աստղեր իրենց աջակցությունն են հայտնել թե՛ ֆիլմին և թե՛ Հայոց ցեղասպանությանը։ Այդ աստղերի շարքին է միացել նաև Ջենիֆեր Լոպեսը, ով իր թվիթերյան էջում հոլովակ է տեղադրել՝ կապված ֆիլմի հետ։
People in the world are in need of our help. I am joining @esrailian & @thepromisefilm 2 #KeepThePromise 2 never forget. pic.twitter.com/d3M69PtfRF
— Jennifer Lopez (@JLo) April 21, 2017
Հոլովակում Ջենիֆեր Լոպեսն ասում է հետևյալը.
«Մենք բոլորս պետք է հոգ տանենք մարդու իրավունքների, փախստականներին օգնելու և երեխաների մասին։ Իմ անունը Ջենիֆեր Լոպես է, և ես երդվում եմ երբեք չմոռանալ իմ խոստումը պահել»։
Շարժմանը միացել է նաև մոդել, հաղորդավարուհի և գործարար Հայդի Քլումը, ով նույնպես տեսանյութ է տեղադրել թվիթերյան իր էջում։
Thrilled to join @thepromisefilm and @esrailian to #KeepThePromise to create hope and build healthier futures for children pic.twitter.com/KLolWuT9qJ
— Heidi Klum (@heidiklum) April 21, 2017
«Ողջույն։ Ես Հայդի Քլումն եմ։ Ես երդվում եմ երբեք չմոռանալ խոստումը պահել և օգնել երեխաներին ամբողջ աշխարհում»,- ահա թե ինչ է ասում Հայդի Քլումը տեսանյութում։
Հիշեցնենք, որ նախկինում ֆիլմին անդրադարձել են նաև Լեոնարդո Դի Կապրիոն, Էլթոն Ջոնը, Սիլվեսթր Ստալոնեն, Քիմ Քարդաշյանը և մի շարք այլ աստղեր։