Պետք չէ ամառանոցում հանգիստը պատկերացնել մոլախոտերի դեմ հավերժական պայքար:
Ներկայացնում ենք հասանելի բնական միջոցներ, որոնք կօգնեն արմատախիլ անել այդ խնդիրը:
Հիանալի միջոց՝ մոլախոտերի դեմ
1. Սոդա
Պարզապես մոլախոտերով լի տարածքներում սոդա ցանիր, և մոլախոտեր այլևս չեն աճի:
2. Աղ
Կարելի է հրաշալի լուծույթ պատրաստել՝ 1 բաժակ աղը լուծելով 2 բաժակ եռացած ջրի մեջ: Այն ցանիր բույսերիդ շուրջը, որպեսզի մոլախոտեր չաճեն: Նաև կարող ես անցանկալի բույսերի վրա աղ լցնել, դրանք երկար ժամանակ քեզ չեն անհանգստացնի:
3. Քացախ
Անհրաժեշտ քանակի քացախ լցրու ցողացիրի մեջ և ցանիր մոլախոտերի վրա՝ մեծ ուշադրություն դարձնելով դրանց արմատներին: Զգույշ եղիր. քացախն, ընկնելով մշակաբույսերի վրա, նույնպիսի ազդեցություն կունենա դրանց վրա:
4. Օղի
Խառնիր 30 մլ օղի, մի քանի կաթիլ հեղուկ օճառ և 2 բաժակ ջուր: Լցրու ցողացիրի մեջ և ցանիր մոլախոտերի վրա, որոնց վրա արև է ընկնում: Դրանք այդպես կչորանան և երկար ժամանակ չեն աճի: Ստվերում աճող բույսերի վրա այս միջոցը չի ազդի:
5. Ցանքածածկ
Մոլախոտերը չեն աճի, քանի որ արևի լույս չեն ստանա:
6. Հերբիցիդային օճառ
Հավասար քանակությամբ աղ, քացախ և քերած տնտեսական օճառ խառնիր: Խառնուրդը ցանիր մոլախոտերի վրա:
7. Կերի հացահատիկ
Այս մթերքը խոչընդոտում է սերմից բույսի զարգանալուն: Դրա բաղադրիչ գլյուտենի որոշակի տեսակն ազդում է որպես յուրատեսակ արգելափակող միջոց ծլելու դեմ: Ուստի ավելի նպատակահարմար է այս միջոցն ամռան կեսին օգտագործել, երբ մշակաբույսերն արդեն աճել են, դրանց համար միջոցը վտանգավոր չի լինի:
