Ամերիկյան ռեալիթի-շոուի աստղ Քիմ Քարդաշյանն անդրադարձել է Հայոց ցեղասպանության մասին պատմող «Խոստում» ֆիլմին: Նա գրառում է կատարել Twitter սոցցանցի իր միկրոբլոգում՝ կոչ անելով բոլորին անպայման դիտել այն:
«Այնքան հպարտ եմ #Promise (#Խոստում) ֆիլմով: Խնդրում եմ բոլորիդ, գնացե՛ք ու դիտե՛ք այն, վերջապես իմացեք հայ ժողովրդի պատմությունը»,- գրել է Քարդաշյանը:
Ռեժիսոր Թերի Ջորջի «Խոստում» ֆիլմի համաշխարհային պրեմիերան կայանալու է ապրիլի 21-ին Լոս Անջելեսում: Ավելի վաղ ֆիլմին իրենց աջակցությունն էին հայտնել մի շարք համաշխարհային այլ աստղեր, այդ թվում՝ Էլթոն Ջոնը, Ռայան Գոսլինգը, Սիլվեստր Ստալոնեն, Լեոնարդո Դի Կապրիոն և այլք:
Ավելի վաղ հաղորդել էինք այն մասին, որ Թերի Ջորջը Թուրքիային մեղադրել է ֆիլմը սաբոտաժի ենթարկելու մեջ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
