Բաղադրիչներ
- Խմորի համար՝
- մեղր - 250 գր
- շաքարավազ - 250 գր
- ձու - 3 հատ
- կարագ - 100 գր
- սոդա - 1,5 թ/գդ
- ալյուր - 7 բաժակ
- դարչին - ըստ ճաշակի
- կոճապղպեղ (имбирь) - ըստ ճաշակի
- մեխակ - ըստ ճաշակի
- կակաո - 2 ճ/գդ
- Ջնարակի համար՝
- ձվի սպիտակուց - 1 հատ
- շաքարի փոշի - 1 բաժակ
- հյութ կիտրոնի - 2 ճ/գդ
- սննդի գունանյութ - ըստ ճաշակի
Պատրաստման եղանակ
- Կարագը, մեղրը և շաքարավազը թույլ կրակի վրա հալեցնում ենք։ Ավելացնում ենք համեմունքները և սառեցնում ենք մինչև սենյակային ջերմաստիճանի։ Ձվերը մեկ այլ ամանի մեջ լավ հարում ենք և ավելացնում ենք սառած օշարակի մեջ։
- Ալյուրը, սոդան և կակաոն աստիճանաբար ավելացնում ենք զանգվածին և փափուկ և առաձգական խմոր ենք հունցում։ Գիշերը, կամ մի քանի ժամով թողնում ենք սառնարանում։
- Խմորը բարակ գրտնակում ենք և թխվածքաբլիթները անհրաժեշտ ձևով կտրում ենք։ Թխում ենք մոտ 15 րոպե 180 աստիճան տաքացրած ջեռոցում։
- Պատրաստում ենք ջնարակը։ Ձվի սպիտակուցը, շաքարի փոշին և կիտրոնահյութը խառնում ենք իրար մինչև թթվասերի թանձրության դառնա։
- Ջնարակը լցնում ենք հրուշակեղենային պարկի մեջ (կարող ենք պոլիէթիլենային պարկի մեջ լցնել, ծայրը կտրել և ձևավորել թխվածքաբլիթները ) և սկսում ենք թխվածքաբլիթները ձևավորել։
- Թխվածքաբլիթները կարող ենք կտրել ձվի կամ նապաստակի տեսքով, կուլիչի տեսք տալ և այլն։ Եթե այս գործընթացին ներգրավվենք նաև երեխաներին, անպայման հետաքրքիր և զարգացնող զբաղմունք կլինի։
- Երբ թխվածքաբլիթների վրայի ջնարակը սառչի կարող ենք դրանք փաթեթավորել և նվերի տեսքով մատուցել մեր սիրելիներին, մտերիմներին, հարազատներին և կոլեգաներին։
- Ահա և պատրաստ է:
Ի դեպ, զատիկի թխվածքաբլիթ պատրաստելու ընթացքը բալիկների համար իսկական տոն կդառնա, ինչպես նաև կզարգացնի նրանց գեղագիտական ճաշակը։ Այնպես, որ պատրաստելուց առաջ չմոռանաք բալիկներին ներգրավել:
Նյութի աղբյուր՝ http://www.cooks.am/%D5%A9%D5%AD%D5%BE%D5%A1%D5%AE%D6%84%D5%A1%D5%A2%D5%AC%D5%AB%D5%A9-%D5%B1%D5%BE%D5%AB%D5%AF%D5%B6%D5%A5%D6%80/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
