Operativ.am-ը գրում է․
Մոսկվան և Մինսկը պայմանավորվել են այն մասին, թե ինչպես պետք է կարգավորվի նավթագազային վեճը: Այս մասին հայտնել է ՌԴ նախագահ Վլադիմիր Պուտինը: Այս մասին գրում է Vesti.ru-ն՝ հղում տալով «РИА Новости» լրատվական գործակալությանը:
Պուտինն ընդգծել է, որ բոլոր ունեցած խնդիրները կհարթվեն մոտակա 10 օրվա ընթացքում: Ռուսաստանի նախագահը հաղորդել է, որ գտնվել է սխեման, որը թույլ կտա կողմերի մոտեցումները պահպանելով՝ մոտեցնել գազի գների հարցով դիրքորոշումները:
Նա կարծում է, որ փոխադարձ փոխզիջումների հնարավոր լինելու արդյունքում երկու կողմերը պայմանավորվել են այն մասին, թե ինչպես են համագործակցելու 2017-2019 թվականների ընթացքում այդ ոլորտում:
Ի պատասխան՝ Բելառուսի նախագահ Ալեքսանդր Լուկաշենկոն Պուտինին շնորհակալություն է հայտնել ու ընդգծել, որ «իրենք պետք է միասին լինեն, և ազգերը պետք է դա տեսնեն»:
