Աշխարհի ամենաազդեցիկ առաջնորդների վրա հայացք նետելիս մենք տեսնում ենք, որ նրանք հաճախ այնպիսի ընդհանուր գծերով են օժտված, ինչպիսիք են խիզախությունը, հռետորական կարողությունները և ստեղծարար միտքը։
Այժմ եկեք տեսնենք՝ ովքեր են պատմության մեջ հավերժացած այն առաջնորդները, ովքեր բացի իրենց քաղաքական ռազմավարությունները կյանքի կոչելու համար տրված պայքարներից՝ կռիվ են տվել իրենք իրենց դեմ՝ փորձելով հաղթահարել հոգեկան հիվանդությունները։
Աբրահամ Լինքոլն
Միացյալ Նահանգների 16-րդ նախագահը տառապում էր սուր դեպրեսիայով։ Իր մտերիմ ընկերոջ խոսքերով՝ դա հաճախ արտահայտվում էր խորը մելանխոլիայով։ Որոշ տարածված լուրերի համաձայն՝ մտերիմ ընկերոջ մահվանից հետո նրան տեսել են որսորդական հրացանով անտառներում թափառելիս։
Իոսիֆ Ստալին
Ստալինը ԽՍՀՄ ղեկավարն էր 1920-ականներից մինչ 1953 թվականը։ Նրա կառավարման տարիները լի էին սարսափով ու վախով. միլիոնավոր մարդիկ սպանվում էին ու արտաքսվում։ Նրան ժամանակակից հոգեբուժության չափանիշներով դիտարկելիս կարող ենք ասել, որ հավանաբար այս ազդեցիկ առաջնորդի մոտ առկա են եղել այնպիսի հոգեկան խանգարումներ, ինչպիսիք են նարցիստիկ, պարանոիդ անձնային խանգարումներն ու երկբևեռ աֆեկտիվ խանգարումը (բնորոշվում է պարբերաբար ընթացող տրամադրության փոփոխություններով)։
Մարտին Լյութեր Քինգ
Դժվար է հիշել ավելի կրակոտ ու վառ առաջնորդի, քան Մարտին Լյութեր Քինգն էր։ Չնայած այս հանգամանքին՝ նա բազում դժվար օրեր է ունեցել։ Նրա մոտ ևս եղել են դեպրեսիվ խանգարումներ, ինչը դեռահաս տարիներին ինքնասպանության երկու փորձերի պատճառ է դարձել: Որպես մարդու իրավունքների համար պայքարող ակտիվիստ հայտնի դառնալուց հետո էլ դեռ նրա թիմը շարունակում էր հորդորել նրան դիմել հոգեբույժի օգնությանը, բայց նա չէր համաձայնում։
Արքայադուստր Դիանա
Ուելսի արքայադուստրը պատմությանը հայտնի է մարդկանց հանդեպ ունեցած իր կարեկցանքով ու բարեգործություններով։ Մինչ բոլորը հիանում էին նրանով, նա ևս տառապում էր դեպրեսիաներից ու նյարդային բուլիմիա կոչվող հիվանդությունից։
Թագուհի Մարիա I
Թագուհի Մարիան եղել է Պորտուգալիայի առաջնորդը 1777-1816 թվականների ընթացքում։ Չնայած պատմությունը նրան հիշատակում է որպես հիանալի առաջնորդի, նա հայտնի է նաև որպես Մարիա Խելագար, քանի որ տառապել է կրոնական մանիայով ու մելանխոլիայով։
Նա ճանաչվեց հոգեկան հիվանդ 1972 թվականին, և նրան փոխարինելու եկավ նրա երկրորդ որդին։
Հռոմեացի կայսր Կոմոդուս
Կոմոդուսը, ով եղել է Հռոմի կառավարիչը 180-192 թվականներին, տառապել է նարցիստիկ ու հիստերիկ անձնային խանգարումներով։ Նա Հռոմն ու Հռոմի բազմաթիվ փողոցներ վերանվանեց իր անունով, քանի որ հավատում էր, որ ինքը Հերկուլեսի վերամարմնավորումն էր։
Ուինսթոն Չերչիլ
Միացյալ Թագավորության վարչապետը տառապել է երկբևեռ խանգարմամբ, որն արտահայտվել է դեպրեսիայի մեջ ընկնելու հակվածությամբ։
Ադոլֆ Հիտլեր
Գիտնականները պնդում են, որ Ադոլֆ Հիտլերը տառապել է սահմանային ու նարցիստիկ անձնային խանգարումներով։
Դոնալդ Թրամփ
Թե՛ ընտրությունների ընթացքում, թե՛ նախագահ ընտրվելուց հետո հազարավոր մասնագետներ հավաստիացնում են, որ Թրամփն ունի մի շարք հոգեկան խանգարումներ, որոնցից հատկապես ընդգծված է նարցիստիկ անձնային խանգարումը։
