բացել լրահոսը
20.03.2017  10:11

Թուրքիան նպատակ է դրել դանդաղ, հիմնավոր և հետևողական կերպով «գրավել» ողջ Եվրոպան

Robert Melkonyan

Похожее изображениеՎերջերս կրկին Թուրքիայի նախագահ Ռեջեփ Թաիբ Էրդողանը բազմաքանակ հանրահավաքի ժամանակ հայտարարել է, որ մինչև ապրիլի 16-ի սահմանադրական հանրաքվեն հնարավոր է կրկին փորձեն Գերմանիայում և մյուս եվրոպական երկրներում անցկացնել հավաքներ, հանդիպումներ թուրք հայրենակիցների հետ: Կրկին դժգոհել և վիրավորական խոսքեր է հնչեցրել Գերմանիայի իշխանությունների հասցեին՝ քրդերի՝ իր դեմ ուղղված բազմահազարանոց ցույցերը թույլատրելու համար:
Այդ փաստը և մի քանի թերթերում հրապարակած Անգելա Մերկելի նկարները Հիտլերի դիմապատկերով, վրդովեցրել է Գերմանիայի իշխանություններին և հանրությանը:
Սակայն հետաքրքիր է Էրդողանի կոչը եվրոպայում բնակվող իր հայրենակիցներին. «…Ձեր հայրենիքն այնտեղ է, որտեղ դուք հիմա ապրում եք: Աշխատեք նվիրումով, հարստացեք, ձեռք բերեք մեծ հարստություն և ունեցվածք: Ձեր երեխաներին տվեք ուսանելու լավագույն ուսումնական հաստատություններում և անպայման ունեցեք ամենաքիչը հինգ երեխա, երբեք ու երբեք ոչ պակաս: Ակտիվորեն մասնակցեք այդ երկրների տնտեսական, քաղաքական կյանքին»:
Փաստորեն՝ Թուրքիան, այդ երկրի նախագահ Էրդողանը նպատակ են դրել դանդաղ, հիմնավոր և հետևողական կերպով «գրավել» ողջ Եվրոպան: Իսկ մենք, ի տարբերություն թուրքերի, իրար կոկորդ ենք կրծում, իրար վարկաբեկում, վատաբանում, հայհոյում, կռվում, լարում հարաբերությունները, փոխանակ լինենք միասնական ու համախմբված…
Հիշեք՝ Երկիրը մեզանով է Երկիր, իսկ մենք մեզ առանձնացնում ենք Երկրից ու ասում՝ Երկիրը Երկիր չէ…Այդ դեպքում մենք ի՞նչ ենք, այդ Երկիրն ինչո՞վ է Երկիր, եթե ոչ մեզանով, մեր շնորհիվ…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 1160 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝