В խմբի վիտամինները չափազանց կարևոր են: Վիտամին B12-ը կարևոր է մակերիկամների լավ գործելու համար, կարգավորում է նյարդային համակարգը և անհրաժեշտ է նյութափոխանակային գործընթացների համար:
Ինչո՞ւ է կարևոր բավականաչափ վիտամին B12 ստանալ: Վիտամին B12-ն անհրաժեշտ է նյարդային բջիջների և էրիթրոցիտների պահպանման և զարգացման համար, օգնում է ՌՆԹ, ԴՆԹ, նեյրոտրանսմիտերներ արտադրել:
В խմբի մյուս վիտամիններն անհրաժեշտ են В12 վիտամինի ավելի լավ կլանման համար:
Դրանք օգնում են նվազեցնել սթրեսը, նախադաշտանային համախտանիշի և դաշտանադադարի ախտանիշերը:
B12 վիտամինի պակասի նշանները՝
- Անեմիա
- Մկանային թուլություն
- Հոգնածություն
- Գլխապտույտ
- Հաճախացած սրտխփոց
- Անկայուն շնչառություն
- Խոցեր բերանում
- Արյունահոսող լնդեր
- Փորլուծություն
- Վատ ախորժակ
Ովքե՞ր են ռիսկի գոտում
Վիտամին B12 պարունակվում է գլխավորապես կենդանիների մսի մեջ, ուստի շատ բուսակերներ հակված են վիտամինի պակասի առաջացման: Այդ դեպքում քլորելլայի/սպիրուլինայի փոշին կարող է լավ տարբերակ լինել որպես հավելում՝ վիտամինի պակասը կանխելու համար:
В խմբի վիտամինի պակասի ռիսկի գոտում են տարեց մարդիկ, հղիները և աղիքային խանգարմամբ կամ արյունազեղումներով տառապողները:
Որքա՞ն է պետք
Առողջապահության ազգային ինստիտուտները 14 տարեկանից մեծ յուրաքանչյուր անձի խորհուրդ են տալիս ստանալ օրական 2,4 մկգ: Հղիներին պետք է օգտագործել օրական 2,6 մկգ, իսկ կրծքով կերակրող մայրերին՝ 2,8 մկգ:
50 տարեկանից մեծ մարդիկ պետք է B12 վիտամինով հարուստ մթերքներ ուտեն կամ հավելումներ ընդունեն: Սովորաբար հավելումը պետք է 25-100 մկգ լինի:
