Երիտասարդ ծնողները սիրով և հպարտությամբ տեղադրում են իրենց նորածին երեխաների նկարները սոցիալական ցանցերում: Դա անում են նրա համար, որպեսզի ցույց տան, թե ինչքան երջանիկ և ուրախ են, և կիսեն իրենց զգացմունքները հարազատների ու ընկերների հետ: Իսկ եթե նորածին հրաշքները երկուսն են լինում, երջանկությունը կրկնապատկվում է:
Երկվորյակները միաժամանակ և՛ ամբողջական քաոս են, և՛ երկակի ուրախություն: Հատկապես այն դեպքում, երբ այդ երկվորյակները նաև գենետիկական հրաշք են համարվում:
Ծանոթացեք, Մեյեր-Դինների գեղեցիկ ընտանիքն է ԱՄՆ Իլինոյս նահանգից:
Թոմաս Դինը և Ուիթնի Մեյերը անցյալ տարվա ապրիլի 23-ին երկու հրաշալի զույգ աղջնակների ծնողներ դարձան:
Նայեք ընտանեկան լուսանկարին և միանգամից կնկատեք փոքրիկների տարբերությունը. նրանցից մեկը մաշկի բաց գույն ունի, մյուսը՝ մուգ:
«Երբ նրանք ծնվեցին, ես աչքերիս չէի հավատում, քանի որ այդպիսի բան երբեք չէի տեսել: Սակայն իմ փոքրիկները հենց այդպիսին էին, դա ուղղակի հրաշք էր. նրանք տարբեր ռասսաների են պատկանում», - տպավորություններով կիսվում է Ուիթնին:
Հպարտ մայրիկը գրեթե ամեն օր կիսվում է իր աղջիկների լուսանկարներով Ֆեյսբուք սոցիալական ցանցում, որպեսզի աշխարհն էլ տեսնի, թե ինչ արտասովոր և գեղեցիկ գենետիկական տարբերություն ունեն նրանք:
Աղջնակները տարբեր ձվաբջիջներից են՝ բեղմնավորված տարբեր սպերմատոզոիդներով:
Ըստ ստատիստիկայի՝ տարբեր ռասայի 500 զույգերից միայն մեկի երեխաները կարող են մաշկի տարբեր գույներով ծնվել:
Փոքրիկները նույն օրն են ծնվել, սակայն նրանք ամբողջովին տարբեր են՝ և՛ բնավորությամբ, և՛ նախասիրություններով, և՛ սովորություններով: Կալանին ավելի աշխույժ է և ակտիվ, իսկ Ջերանին հիմնականում կենտրոնացած է ուտելու վրա:
Փոքրիկների լուսանկարները հազարավոր հավանությունների են արժանացել և տարածվել են ողջ համացանցով մեկ:
Շնորհիվ Ուիթնի Մեյերի՝ լուսանկարը համացանցում տարածելու՝ աշխարհի մյուս՝ նման հատկությամբ ծնված փոքրիկների լուսանկարներն էլ են սկսվել տարածվել:
Այս ամենը խոսում է այն մասին, որ գենետիկան հետաքրքիր և զարմանալի գիտություն է, իսկ մարդու մաշկի գույնն առհասարակ չի ազդում մարդկանց զգացմունքների և ամուր ընտանիք կառուցելու վրա:
