«Թեև պաշտպանության նախկին նախարար Սեյրան Օհանյանը 2008 թվականից հետո այլևս Երկրապահ կամավորականների միության անդամ չէ, բայց այս տեղեկությունը մեզ հետ զրույցում զգուշացավ հաստատել կազմակերպության խոսնակ Վարդան Վարդանյանը։«Ինձ համար անակնկալ էր այդ հարցը, ես հիմա պատրաստ չեմ պատասխանել դրան։ Ես հիմա ԵԿՄ–ում չեմ, որ քարտադարանում ստուգեմ, թե արդյոք պարոն Օհանյանը կազմակերպության անդա՞մ է»,– երեկ մեզ հետ զրույցում խուսափեց պատասխանել Վարդանյանը։ Հիշեցնենք, որ 2008թ., երբ ԵԿՄ նախագահ Մանվել Գրիգորյանը դարձել էր ընդդիմություն և պաշտպանում էր Լևոն Տեր-Պետրոսյանին, իշխանությունների կողմից նրա նկատմամբ որոշակի ճնշումներ սկսվեցին։ Այդ ճնշումներից մեկն էլ այն էր, որ այն ժամանակ պաշտպանության նախարար Սեյրան Օհանյանն իր մոտ մեկուկես տասնյակ համախոհներով հայտարարեց, որ լքում է ԵԿՄ-ն։ ԵԿՄ– ում էլ, մեր տեղեկություններով, որոշում են կայացրել այդ խմբին հեռացնել կազմակերպությունից, քանի որ նրանք դուրս գալու մասին դիմում չէին ներկայացրել։ Իսկ հետագայում, երբ Մ. Գրիգորյանը վերսկսեց համագործակցությանը իշխանությունների և Ս. Օհանյանի հետ, վերջինս ԵԿՄ-ում իր անդամությունը վերականգնելու համար նոր դիմում չի ներկայացրել: Եվ այդ ժամանակից նա ԵԿՄ անդամ չէ»,–գրում է թերթը։
Մանրամասները՝ թերթի այսօրվա համարում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել