«Գահերի խաղ» հեռուստասելիալի հերոսների և նրանց պատմական նախատիպերի միջև կարելի է բազմաթիվ զուգահեռներ տանել, ավելին՝ պատմական կերպարները ոչ պակաս հետաքրքիր և ինտրիգային են:
Դեյեներիս Թայգարիեն – Հենրիխ Թյուդոր
Ալ և Սպիտակ վարդերի պատերազմի ժամանակ Հենրիխ Թյուդորը եղել է գահի հավակնորդներից մեկը: 1471 թվականին Լանքասթերների դաշնակիցների պարտությունից հետո Հենրիխը հարկադրված փախուստի է դիմում դեպի Բրետան: Նրա դրոշին պատկերված էր վիշապ (դրակոն):
Վիզերիս Թայգարիեն – Մարկոս Լիցինիոս Կրասոս
Մարկոս Լիցինիոս Կրասոսը եղել է Հուլիոս Կեսարի քաղաքական դաշնակիցը: Սպանվել է մ.թ.ա. 53 թվականին պարթևների դեմ պատերազմում: Նրա կտրված գլուխն ու ձեռքը ուղարկվել է Պարթևստանի արքային: Ասում են, թե պարթևները Կրասոսի գլխի մեջ բերանից հալած ոսկի են լցրել:
Սանսա Ստարկ – Աննա Նեվիլլ
Աննա Նեվիլլը եղել է կոմս Ուորվիկի դուստրը, որը առաջին անգամ ամուսնացել է 14 տարեկանում Էդուարդ Լանքաստերի՝ Հենրիխ VI-ի որդու հետ: Ամունությունից ամիսներ անց նրա ամուսինը սպանվում է պատերազմում: 1472 թվականին նա դառնում է ապագա Ռիչարդ III-ի կինը. այս ամուսնությունը պետք է ապահովեր Յորքերի տան հարստության և հողերի անձեռնմխելիությունը և ապահովությունը:
Թայվին Լաննիստեր – Ռիչարդ Նեվիլլ
Ռիչարդ Նեվիլլ՝ խոշորագույն ֆեոդալ, որը Ալ և Սպիտակ վարդերի պատերազմի և շատ այլ դինաստիական հեղաշրջումների ակտիվ մասնակից է եղել: Էդուարդ IV Յորքի օգտին հեղաշրջման կազմակերպիչներից մեկն էր: Հայտնի է որպես «Ուորվիք թագավորներ սարքող»:
Սերսեա Լաննիստեր – Մարգարիտա Անժու
Մարգարիտա Անժույան՝ Ֆրանսիայի չքնաղ և անխիղճ արքայադուստրը: «Ֆրանսիական գայլուհին» ամուսնացավ Հենրիխ VI-ի հետ և ձեռք բերեց այնպիսի իշխանություն, որ փաստացիորեն ղեկավարում էր ողջ երկիրը:
Բրիեննա Տարտ – Ժաննա դ՝Արկ
Ժաննա դ՝Արկը նախընտրում էր կրել տղամարդու հագուստ և զենք ու զրահ:
Տալիսա Ստարկ – Էլիզաբեթ Վուդվիլլ
1464 թվականին Էդուարդ IV-ը գաղտնի ամուսնացել էր Էլիզաբեթ Վուդվիլլի հետ, ով չուներ ո՛չ ազնվականի կոչում և ո՛չ էլ հարստություն: Նրա աջակից կոմս Ուորվիքը այդ ժամանակ բանակցություններ էր վարում Էդուարդ IV-ի համար Ֆրանցիայի արքայադստերը կնության վերցնելու կապակցությամբ: Նա այնքան էր վիրավորվել Էդուարդի այդ արարքից, որ օգնեց Լանքաստերների տոհմից Հենրիխ IV-ին 1470 թվականին գահընկեց անել նրան և գահ բարձրանալ:
Յարա Գրեյջոյ – կայսրուհի Մատիլդա
1125 թվականին բարոնները ընդունել էին նրան՝ որպես Հենրիխ I-ի ժառանգորդ: Անգլիական բարոնները առանձնապես երջանիկ չէին նրա օտարերկրացի ամուսնուց և չէին էլ ցանկանում, որ իրենց կին ղեկավարի: Այսպիսով՝ 1135 թվականին, երբ Հենրիխ I-ը մահացավ, Անգլիան և Նորմանդիան որպես գահաժառանգ ընդունեցին նրա զարմիկ Ստեֆանին:
Ռոբերտ Բարատեոն – Էդուարդ IV
Էդուարդ IV-ը Յորքերի դինաստիայից գահընկեց արեց հոգեկան հիվանդ Հենրիխ VI-ին Լաննիստերների դինաստիայից Ալ և Սպիտակ վարդերի պատերազմի ժամանակ:
Ստաննիս Բարատեոն – Ռիչարդ III
Էդուարդ IV-ի եղբայրը Յորքերի դինաստիայից՝ Ռիչարդը, 1483 թվականին ակտ թողարկեց, համաձայն որի՝ նրա զարմիկները համարվում էին ապօրինի ժառանգներ, ինչից հետո հենց ինքն էլ գահ բարձրացավ:
