BlogNews.am-ն արդեն պատմել է «Բարի լույս»-ի Ամանորի տոնական ծրագրի մասին, որը մի մասն է կազմելու «Արմենիա» հեռուստաընկերության Ամանորի եթերի, իսկ ժամը 19:00-ից սկսած՝ եթերում մեկը մյուսի հետևից տոնական հաղորդումները ուրախ տրամարդություն կփոխանցեն հեռուստադիտողին:
Ամանորի գիշերը եթերում կլինեն «Դոմինոյի», «Ֆուլ Հաուսի» թողարկումները, որոնց կհաջորդի Մկրտիչ Արզումանյանի և Իվետա Մուկուչյանի մասնակցությամբ «Փախիր կամ ամուսնացիր» ֆիլմը։ «Այս ֆիլմն առաջին անգամ է հեռուստատեսությամբ ցուցադրվելու, և ցուցադրության բացառիկ իրավունքը պատկանում է «Արմենիա» հեռուստաընկերությանը: Շատերն են սպասում այս ֆիլմին, և բոլոր այն մարդիկ, ովքեր չեն հասցրել կինոթատրոնում դիտել, այս անգամ հնարավորություն կունենան դիտելու»,- նշում է «Արմենիա» հեռուստաընկերության գլխավոր պրոդյուսեր Ռուբեն Մխիթարյանը:
Ֆիլմից հետո կշարունակվի «Ամանոր 2017» շոու ծրագիրը, որտեղ իրենց երգերով կներկայանան հայկական շոու բիզնեսի լավագույն արտիստները, երգիչ-երգչուհիները, կլինեն նաև փոքրիկ ֆիլմեր՝ «Արմենիա» հեռուստատեսության հայտնի դեմքերի մասնակցությամբ. «Դերասանները և հաղորդավարները հայտնվում են տարատեսակ իրավիճակներում, օրինակ՝ Վահե Ղազարյանը վթարի է ենթարկվում իր մեքենայով, Հովհաննես Ազոյանը իր ռեստորանում փորձում է տարբեր իրավիճակներից դուրս գալ, Մկրտիչ Արզումանյանը Հանրապետության հրապարակում իր ընկերոջը սպասելիս հայտնվում է հետաքրքիր իրավիճակում և այդպես շարունակ, իսկ «Ֆուլ Հաուսի» անձնակազմը ԱՄՆ-ում հայտնվում է շատ զավեշտալի դրության մեջ»:
Նյութը՝ Սիրանուշ Գրիգորյանի
Լուսանկարները՝ Կարեն Հովհաննիսյանի
