Մխչյանի ջրանցքից հակատանկային արկ է հայտնաբերվել

Slaq.am-ը գրում է.

Դեկտեմբերի 6-ին, ժամը 15.19-ին ահազանգ է ստացվել, որ Արարատի մարզի Ոստան գյուղի գերեզմանոցի հարևանությամբ Արտաշատի ՋՕՄ-ի աշխատակիցների ջրամաքրման աշխատանքներ կատարելիս հայտնաբերվել է ականանման առարկա:

Դեպքի վայր է մեկնել ճգնաժամային կառավարման ազգային կենտրոնի և հրշեջ փրկարարական ջոկատի օպերատիվ խմբերը:

Պարզվել է, որ Ոստան-Քաղցրաշեն ավտոճանապարհի 1-ին կմ-ի հատվածում Մխչյան ջրանցքից Արտաշատի ՋՕՄ-ի աշխատակիցների կողմից հայտնաբերվել է 1հատ МТ 64 հակատանկային արկ:

Փրկարարները սահմանազատել են տարածքը և ապահովել են անվտանգությունն մինչ սակրավորների ժամանելը: