Բաղադրիչներ
- մակարոն - 500գր
- միս տավարի (աղացած) - 700գր
- սոխ - 1 գլուխ
- տաքդեղ կարմիր - 1 հատ
- լոլիկի մածուկ - 2ճ/գդ
- գինի կարմիր - 50մլ
- պանիր քերած - 150գր (չոր տեսակի)
- մաղադանոս - 3-4 ճյուղ
- կաթ - 400մլ
- կարագ - 2ճ/գդ
- ալյուր - 2ճ/գդ
- աղ
- պղպեղ սև
Պատրաստման եղանակ
- Սոխը մանր կտրատում ենք և տապակում բուսայուղի մեջ 3 րոպե, ապա ավելացնում կտրատված կարմիր տաքդեղը և տապակում ևս 2-3 րոպե:
- Ավելացնում ենք աղացած միսը, համեմում աղով, պղեղով և խանելով տապակում զանգվածը 10 րոպե: Լցնում ենք գինին և շարունակում տապակել ևս 3 րոպե մինչ հեղուկային մասը գոլորշանա:
Ավելացնում ենք մանր կտրատված մաղադանոսը, ապա լոլիկի մածուկը և տապակում այդպես 4 րոպե:
- Մակարոնը խաշում ենք, թափում ջուրը, ապա վրան շաղ տալիս 1/2ճ/գդ ձիթայուղ և լավ խառնում:
- Պատրաստում ենք սոուսը: Դրա համար կաթսայի մեջ հալեցնում ենք կարագը, ավելացնում ալյուրը և խառնում մինչև զանգվածի միատարր դառնալը:
Մաս առ մաս ավելացնում ենք կաթը՝ անընդհատ խառնելով սոուսը այդ ընթացքում: Այսինքն, պատրաստում ենք ֆրանսիական Բեշամել սոուս:
- Հանում ենք սոուսը կրակի վրայից:
- Ուղղանկյուն ձևամանի (35*24սմ) հատակին փռում ենք ֆոլգա և լցնում մակարոնի կեսը:
- Մակարոնների վրա ենք լցնում սոուսի կեսը և տարածում նրա ողջ տարածքով: Այնուհետև լցնում ենք մսային միջուկը, հավասարեցնում:
- Ծածկում ենք մակարոնների մնացած կեսով, ապա վրան լցնում սոուսը:
- Ոտեստի վրա շաղ ենք տալիս քերած պանիրը և եփում նախապես 200 աստիճան տաքացրած ջեռոցում 25 րոպե:
Ինչպես նկատեցիք, մակարոնով ուտեստ “Նեապոլիտանական”-ը իրենից ներկայացնում է լազանյայի այլընտրանքային տարբերակ: Այն շատ հագեցնող է, հեշտ պատրաստվող և կարող է հրաշալի լուծում հանդիսանալ երեկոյան ընթրիքի համար, երբ չեք կողմնորոշվում ինչ պատրաստել:
Նյութի աղբյուր՝ http://www.cooks.am/%D5%B4%D5%A1%D5%AF%D5%A1%D6%80%D5%B8%D5%B6%D5%B8%D5%BE-%D5%B8%D6%82%D5%BF%D5%A5%D5%BD%D5%BF/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
