Տպագրիչների շենքի պայթեցումը մեր երկրում ոչ միայն հակամշակույթ հաղաթարշավի լավագույն արտացոլումն է, այլ նաև հարցեր լուծելու, սեփական բիզնես շահի համար բոլոր արժեքները ոտնահարելու անառողջ մթնոլորտի հերթական դրսևորումն է։ Այսպիսին է այսօր Հայաստանը, այսպիսին են Հայասանի այսօրվա մշակույթը, ճարտարապետությունը, տնտեսությունը, գործարար աշխարհը և այլն, և այլն։ Այսպես են Հայաստանում լուծում հարցեր։ Տեղյակ է արդյոք այս ամենից Կարեն Կարապետյանը, թե՞ այս ամենը տեղավորվում է նրա մոտեցման մեջ։ Տեղյակ է արդյոք Կարեն Կարապետյանը, թե ինչ խորքային խնդիրներ ունեցող երկրի վարաչապետ է նա, և հասկանում է արդյոք, որ այդ խնդիրները չեն լուծվելու ոչ մի տեսակի PR արշավներով, քանի որ այս ժողովուրդն արդեն հոգնել է քաղաքական չստացված PR-ից, որովհետև ուզում է զգալ թեկուզ չնչին փոփոխությունների ալիքը, ուզում է զգալ խոստացված առողջ և հավասար միջավայրը։ Եվ առհասարակ, մեր վարչապետին պետք է հուշել, որ PR-ի օգնությանը դիմում են այն ժամանակ, երբ կա որոշակի նախագիծ, կա ծրագիր, կա քայլ, կա մոտեցում։ Եթե այդ ամենը դեռ չկա, չի իրականացվել, ինչի՞ PR-ն է անում մեր վարչապետը։
Նյութի աղբյուր՝ https://www.facebook.com/armine.vardevanyan.9/posts/234509423630413?notif_t=close_friend_activity¬if_id=1477648473226496
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
