Սահիբի մտքի գոհարները հնարավոր չէ մեկնաբանել, եթե սթափ ես։ Ազերի անգրագետ երեսփոխանը չգիտի, որ անկախանալ որևէ երկրի ներսում հնարավոր չէ։ Ընդհանրապես, ազերիական իշխանամետ կայքը չի հասկացել, որ պատգամավոր Ալիևը կտրականապես ԴԵՄ է Իլհամ Ալիևի՝ արցախահայերին արած առաջարկին։ Նա չի ցանկանում, որ Ադրբեջանը դառնա ֆեդերատիվ հանրապետություն։ Նշեմ, որ Թարթարից ընտրված սույն տգետ պատգամավորն այլ բաներ է ասել, սակայն դրանց անդրադառնալը մեծ ճոխություն կլինի նրա համար։
Իլհամ և Սահիբ Ալիևները, Մամեդյարովը և մոտական ժամանակներս «Էստի համեցեք, հայե՛ր» օպերացիայի մյուս ազերի մասնակիցները պետք է հասկանան, որ Արցախը 25 տարի է՝ ԱՆԿԱԽ է և ԵՐԲԵՔ չի վերադառնա ինքնավար մարզի կարգավիճակին, որն ունեցել է ԽՍՀՄ կազմում։ Ադրբեջանի կողմից Արցախը շատ վաղուց է ճանաչվել, երբ Իլհամի հայրիկը՝ Հեյդար բաբան՝ որպես Ադրբեջանի նախագահ, հրամաններ էր արձակում և Լեռնային Ղարաբաղի Հանրապետության հետ բանակցություններ վարելու համար լիազորություններ էր տրամադրում Բաքվի պատվիրակներին։ Արցախի նկատմամբ ոտնձգությունների դեպքում հայկական բանակները, հավանական է, Իլհամին էլ են պարտադրել հայրիկի օրինակին հետևել...
Հ.Գ. Չեմ զարմանա, եթե Ադրբեջանի սուլթանը մոտ օրերս «Էստի համեցեք, հայե՛ր» օպերացիան շարունակելիս գործի դնի իր զինանոցի ամենավտանգավոր զինատեսակները՝ «Իսկանդեր»-ուհի Մեհրիբան խանումին, «Солнцепек» Լեյլա և «Точка У» Արզու Ալիևաներին...
Նյութի աղբյուր՝ https://www.facebook.com/gagik.hambaryan/posts/1148633131887301
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել