ՀՀ տարածքում կան դժվարանցանելի ավտոճանապարհներ, Լարսի անցակետը մասամբ բաց է. ԱԻՆ

ՀՀ արտակարգ իրավիճակների նախարարությունը տեղեկացնում է, որ հոկտեմբերի 19-ի ժամը 04.00-ի դրությամբ ՀՀ տարածքում կան դժվարանցանելի ավտոճանապարհներ:

Դժվարանցանելի է  Սոթք-Քարվաճառ և Գյումրի-Բավրա (Վարդաբլուր գյուղի մոտ )ավտոճանապարհները:

Գեղարքունիքի մարզի ավտոճանապարհներին և Սիսիան-Գորիս ավտոճանապարհին տեղ-տեղ առկա է մերկասառույց:

Լոռու մարզի Սպիտակ և Ստեփանավան քաղաքներում առկա են տեղումներ ձյան տեսքով: 

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Լարսի անցակետը բաց է մարդատար ավտոմեքենաների համար անվաշղթաների կիրառման դեպքում ժամը 06.00-ց մինչև 20.00, իսկ բեռնատարների համար անցակետը փակ է, իրականացվում են մաքրման աշխատանքներ: