Բաղադրիչներ
- ջուր - 3 բաժակ
- ալյուր - 8 բաժակ
- աղ - 2թ/գդ
- շաքարավազ - 2թ/գդ
- բուսայուղ - 150մլ
- օղի - 1ճ/գդ
- միս տավարի (աղացած) - 0,5կգ
Պատրաստման եղանակ
- Ալյուրը անցկացնում ենք մաղով և լցնում խորը ամանի մեջ:
Ջրի մեջ լուծում ենք աղն ու շաքարավազը մինչև վերջիններիս լուծվելը: Լցնում ենք ալյուրի վրա: Ավելացնում ենք նաև բուսայուղը և օղին: - Զգույշ խառնում ենք ստացված զանգվածը, խմոր հունցում: Պատրաստի խմորը փաթաթում ենք ցելոֆանի մեջ և թողնում սենյակային ջերմաստիճանում 1 ժամ:
- Աղացած միսը խառնում ենք գդալով. այն պետք է ստացվի մածուցիկ, որի համար կարելի է մի փոքր ջուր ավելացնել:
- Խմորը գրտնակով բարակ բացում ենք մոտ 3մմ հաստությամբ, ապա ափսեի օգնությամբ կտրատում 15-20սմ տրամագծով շրջաններ:
Խմորի շրջանի մի ծայրի վրա դնում ենք մի քիչ մսային միջուկից, հավասարաչափ տարածում խմորի կեսի մակերեսով: - Ծածկում ենք խմորի երկրորդ կեսով և լավ ամրացնում ծայրի հատվածները, որպեսզի մսի ջուրը եփվելու ընթացքում դուրս չգա:
- Թավայի մեջ լցնում ենք 1-2սմ բարձրությամբ բուսայուղ և տապակում կարկանդակները նրա մեջ: Կարկանդակները անհրաժեշտ է տապակել 2 կողմից մինչև ոսկեգույն երանգի առաջացումը, որից հետո փակել թավայի կափարիչը և թողնել մի քանի րոպե տապակվի այդ վիճակում:
Ի դեպ, չեբուրեկի պատրաստելիս անպայման հաշվի առեք, որ նրա խմորը պատրաստելիս ձու չի օգտագործվում, քանի որ այն խմորը դարձնում է պինդ և ձգվող:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել