Օրվա բաղադրատոմսը. Բրոկոլիով և սնկով կարկանդակ

Բաղադրիչներ

կեֆիր - 200 մլ
ալյուր - 120 գր
ձու - 2 հատ
բրոկոլի - 200 գր
սունկ շամպինիոն - 200 գր
սոխ - 100 գր
սոդա - 1/2 թ/գդ (հանգեցրած)
աղ
պղպեղ սև
բուսայուղ

Պատրաստման եղանակ

Սոխը մաքրում ենք և մանր կտրատում։
Սունկը լվանում ենք և ոչ մեծ կտորներով կտրատում։
Թավայի մեջ բուսայուղը լավ տաքացնում ենք։
Ավելացնում ենք սոխն ու տապակում մինչև թափանցիկ դառնա։
Ավելացնում ենք սունկը և տապակում ենք այնքան, մինչև սնկի միջի ավելորդ հեղուկը դուրս գա։ Վերջում լավ աղ և պղպեղ ենք անում։
Կաթսայի մեջ ջուրը եռման աստիճանի ենք հասցնում և աղ անում։
Բրոկոլին փնջերով առանձնացնում ենք և լցնում եռման ջրի մեջ։ Հասցնում ենք եռման աստիճանի և 1 րոպե եփում ենք։ Այնուհետև ջուրն անմիջապես թափում ենք, իսկ բրոկոլին դնում ենք քամիչի վրա։
Ամանի մեջ ենք լցնում կեֆիրը, ձվերը, աղը (1/2 թ/գդ) և հարում ենք մինչև միասեռ դառնա։
Ավելացնում ենք հանգեցրած սոդան(1ճ/գդ քացախի մեջ լցնում ենք 1/2թ/գդ սոդա) և ալյուրը, խառնում ենք։
Ձևամանը յուղով պատում ենք (21x14 սմ)։
Լցնում ենք խմորի կեսը, վրայից լցնում ենք սոխով տապակված սունկը։
Այնուհետև շարում ենք բրոկոլին։
Մնացած խմորը բարակ շիթով լցնում ենք բրոկոլիի վրա այնպես, որ բրոկոլին ամբողջությամբ ծածկենք։
Տեղափոխում ենք մինչև 180 աստիճան տաքացրած ջեռոցի մեջ և մոտ 40-60 րոպե թխում ենք։
Ահա այսպիսին է պատրաստի կարկանդակը։