8 տարվա համատեղ կյանքից հետո հնդիկ տղամարդը որոշել է պատժել կնոջ ընտանիքին, քանի որ նրանք այդպես էլ չէին տվել խոստացված օժիտը։
Տուժած 25-ամյա աղջիկը Շահջանհապուր քաղաքից է, նրա անունը Կամլեշ Ռատոր է։ Նա պատմել է, որ Սանջիվ Ռատորը՝ իր 27-ամյա ամուսինը, հարսանիքի օրից ամեն օր պահանջել է օժիտի հատուցումը 50.000 ռուփիի չափով (750 դոլար)։
Կնոջ խոսքով՝ հարբեցող ամուսինն ամեն օր ծեծել է իրեն ու պահանջել գումարը։ Նա ասել է ամուսնուն, որ հայրն այժմ հիվանդ է ու աշխատանք չունի, որ վճարի այդ գումարը։
Սեպտեմբերի 14-ին Կամլեշը ճաշ պատրաստելիս է եղել, երբ ամուսինը նորից սկսել է բղավել փողերի համար։ Շարունակությունը եղել է շատ դաժան։ Կինը հիշում է միայն, թե ինչպես է ամուսինը բռնել վզից, կռացրել ու խոհանոցային դանակով կտրել քիթը։ Տղամարդու վերջին խոսքերն են եղել․ «Հիմա դու միշտ կմնաս այսպիսին»։
