Բաղադրիչներ
- ալյուր - 400 գր
- ջուր - 330 մլ
- խմորիչ - 1/4 թ/գդ (չոր)
- աղ - 1/2 թ/գդ
- ձիթայուղ - 1 թ/գդ
Պատրաստման եղանակ
- Բոլոր բաղադրիչները խառնում ենք իրար և խմոր հունցում, միայն թե ալյուրը միանգամից չենք ավելացնում, քանի որ կախված ալյուրի տեսակից, հնարավոր է քանակությունը պակասեցնել կամ ավելացնել: Պետք է ջրիկ ու կպչուն խմոր ստանանք:
5-10 րոպե հունցում ենք (որքան երկար ենք հունցոմ, այնքան հացի որակը բարձր է լինում):
Այժմ ծածկում ենք անձեռոցիկով և 10-12 ժամով տաք տեղ դնում: Եթե ապակյա կափարիչ ունենք, կարող ենք դրանով ծածկել և ընթացքում հետևել, թե խմորն ինչպես է բարձրանում:
Խմորը ծավալով երկու անգամ ավելանում է, և մակերևույթին պղպջակներ են գոյանում: - Սեղանի վրա սննդային թաղանթ ենք փռում և վրան ջուր և ալյուր ցանում, այնուհետև խմորը դնում վրան:
- Ստացվում է ջրիկ խմոր, որի հետ սակայն, կարող ենք հեշտությամբ աշխատել:
- Խմորի վրա ալյուր ենք ցանում և բատոն ձևավորում (կարող ենք խմորը 2 մասի կիսել և 2 փոքր բատոն պատրաստել):
- Տապակի մեջ յուղաթուղթ ենք դնում, կարագով պատում և վրան ալյուր ցանում:
Խմորը զգուշորեն տապակի վրա ենք տեղափոխում, ծածկում անձեռոցիկով և 2 ժամով տաք տեղ դնում, որպեսզի լավ հասունանա (ոչինչ, եթե խմորը լավ չի բարձրանում, միևնույն է ջեռոցում այն լավ բարձրանալու է): - Ջեռոցի ամենաներքևում ջրով լի հրակայուն աման ենք դնում և 220 աստիճան տաքացրած ջեռոցում խմորը թխում 30-35 րոպե: Ահա և վերջ:
- Անչափ համեղ և գեղեցիկ:
Իտալական շատ համեղ հաց , որի խմորը կարող եք գիշերը պատրաստել, իսկ առավոտյան անցնել թխելու գործին
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել