- Մատուցվում է:2-3 ժամ անց
- Նախն. ժամանակ:50 րոպե
- Պատրաստման ժամանակ:40-45 րոպե
Բաղադրիչներ
- Դակուազի համար՝
- ձվի սպիտակուց - 2 հատ
- շաքարավազ մանր - 50 գր
- ալյուր նուշի - 50 գր
- շաքարի փոշի - 1 թ/գդ
- կոկոսի քերուկ - 1 թ/գդ
- Հապալասով մուսսի համար՝
- հապալաս - 200 գր
- շաքարավազ - 150 գր
- սերուցք 30-35% յուղայնությամբ - 200 գր
- ձվի սպիտակուց - 2 հատ
- ջուր - 80 մլ
- ժելատին - 8 գր
- Մասկարպոնեով կրեմի համար՝
- ձվի դեղնուց - 2 հատ
- շաքարավազ - 40 գր
- ջուր - 20 մլ
- կարագ - 30 գր
- պանիր մասկարպոնե - 100 գր
- սերուցք 30-35% յուղայնությամբ - 100 գր
- ժելատին - 3 գր
- Հայելանման ջնարակի համար՝
- սերուցք 30-35% յուղայնությամբ - 120 մլ
- ինվերտային օշարակ - 20 մլ
- գլյուկոզա - 40 գր
- շոկոլադ սպիտակ - 100 գր
- ժելատին - 3 գր
- սննդի գունանյութ - ըստ ճաշակի (մանուշակագույն, կապույտ)
Պատրաստման եղանակ
- Պատրաստում ենք դակուազը: Ջեռոցը մինչև 170 աստիճան տաքացնում ենք: Նուշի ալյուրն ու կոկոսի քերուկը լցնում ենք ամանի մեջ (եթե կոկոսի քերուկը խոշոր է, ապա պետք է նախապես սրճաղացով աղալ, որպեսզի բիսկվիթն օդեղեն լինի),
սպիտակուցներն ու մանր շաքարավազը լցնում ենք մեկ այլ ամանի մեջ և հարում մինչև կայուն փրփուր ստանանք: Այնուհետև սպիտակուցներով զանգվածը զգուշորեն լցնում ենք չոր բաղադրիչների մեջ և թիակով խառնում (պարտադիր չէ համասեռ զանգված ստանանք):
- Հրուշակեղենային պարկով խմորը սեղմում ենք յուղաթղթի վրա, այնուհետև շաքարի փոշի ենք ցանում և 12-15 րոպեով դնում նախապես տաքացրած ջեռոցը:
- Պատրաստի բիսկվիթը սառեցնում ենք, ձևամանի չափով կտրում և մի կողմ դնում:
- Այժմ պատրաստում ենք հապալասով մուսսը: Ժելատինի վրա սենյակային ջերմաստիճանի քիչ քանակությամբ ջուր ենք լցնում և թողնում ուռչի:
Հապալասը բլենդերով խյուսի ենք վերածում և ավելացնում 30 գր շաքարավազ: Դնում ենք կրակի վրա և եռման աստիճանի հասցնում, ինչից հետո կրակից վերցնում ենք: Ուռած ժելատինը հապալասով խյուսի հետ խառնում ենք մինչև համասեռ դառնա և թողնում ենք սառչի:
- Պարաստում ենք իտալական մերենգան: 120 գր շաքարավազն ու ջուրը լցնում ենք կաթսայի մեջ, դնում կրակին և օշարակը հասցնում մինչև 118 աստիճանի (ջերմաստիճանը ստուգում ենք կամ ջերմաչափով կամ օշարակից կաթեցնում ենք սառը ջրի մեջ, եթե այն ջրից հանելիս փափուկ գնդիկ է դառնում, ուրեմն պատրաստ է):
- Այդ ընթացքոմ սպիտակուցները հարում ենք մինչև փափուկ փրփուր ստանանք, այնուհետև, հարիչով անընդհատ խառնելով, բարակ շիթով ավելացնում ենք 118 աստիճանի հասած օշարակը և 4-5 րոպե հարում: Մերենգան պատրաստ է, մի կողմ ենք դնում:
- Սառած հապալասով խյուսը ժելատինի հետ լցնում ենք մերենգայի մեջ և խառնիչով զգուշորեն խառնում:
- Մեկ այլ ամանի մեջ ենք լցնում սերուցքը և հարում այնքան մինչև կայուն փրփուր ստանանք, այնուհետև խառնում ենք հապալասով մուսսի հետ և տեղափոխում սառնարան, որպեսզի թեթևակի թանձրանա:
- Պատրաստում ենք մասկարպոնեով կրեմը: Ժելատինի վրա մի քիչ ջուր ենք լցնում, որ ուռչի: Շաքարավազն ու ջուրը լցնում ենք կաթսայի մեջ, դնում կրակին և օշարակը հասցնում մինչև 118 աստիճանի:
Զուգահեռաբար հարում ենք դեղնուցները, այնքան մինչև սպիտակեն, այնուհետև շարունակելով հարելը, բարակ շիթով ավելացնում ենք պատրաստված օշարակը (պետք է կրեմային կազմություն ստանանք):
Ժելատինը տաքացնում ենք միկրոալիքային վառարանում, մինչև լուծվի, այնուհետև լցնում ենք դեղնուցներով զագվածի մեջ: Զանգվածը թողնում ենք հասնի 40 աստիճանի, այնուհետև ավելացնում ենք խորանարդիկներով կտրատած սառը կարագը և խառնում մինչև համասեռ դառնա: Ավելացնում ենք մասկարպոնեն: Եթե կրեմի մեջ գնդիկներ կան խնդիր չէ. զանգվածը գոլորշու վրա ենք դնում և խառնում այնքան, մինչև միասեռ դառնա, ինչից հետո էլ սառեցնում ենք:
- Սերուցքն առանձին հարում ենք մինչև կայուն փրփուր ստանանք և լցնում դեղնուցներով սառը զանգվածի մեջ:
- Սկսում ենք հավաքել աղանդերը: Ձևամանը պատում ենք բուսայուղով, վրան յուղաթուղթ կամ սննդային թաղանթ ենք դնում, այնուհետև ձևամանի հատակին ու կողքերին քսում ենք հապալասով թանձրացած մուսսը և 15 րոպեով դնում սառնարանը:
- Այնուհետև լցնում ենք մասկարպոնեով կրեմը, թիակով հավասարեցնում և կրկին դնում ենք սառցարանը:
- Սառնարանից հանում ենք և ծածկում հապալասով մուսսի շերտով:
- Այժմ դակուազի շերտն ենք դնում, ծածկում սննդային թաղանթով և գիշերը թողնում սառցախցիկում:
- Առավոտյան պատրաստում ենք հայելանման ջնարակը: ժելատինի վրա մի քիչ ջուր ենք լցնում, որ ուռչի: Սերուցքը, ինվերտային օշարակն ու գլյուկոզան լցնում են կաթսայի մեջ, այնուհետև ավելացնում ենք գունանյութը: Տաք զանգվածը մաղով լցնում ենք ուռած ժելատինի մեջ և թիակով զգուշորեն խառնում, մինչև զանգվածը համասեռ դառնա:
Այնուհետև ավելացնում ենք շոկոլադն ու շարունակում ենք խառնել, մինչև շոկոլադը լուծվի և զագվածը դառնա համասեռ:
- Եթե ջնարակի մեջ պղպջակներ են գոյացել, ապա սննդային թաղանթն ամրացնում ենք ջնարակի մակերեսին. պղպջակները կմնան թաղանթի վրա և ջնարակը հարթ կլինի: Ջնարակը մինչև 30-32 աստիճան սառեցնում ենք:
- Սառած բուշեն հանում ենք սառցախցիկից, ազատում ձևամանից և դնում ցանցի վրա:
- Հայելանման ջնարակը լցնում ենք բուշեի վրա և թողնում ծորալով կողքերը ծածկի:
Բուշեն դնում ենք մատուցաանի վրա և 15 րոպեով տեղափոխում սառնարանը, որպեսզի ջնարակը սառչի:
- Ահա և վերջ:
Ի դեպ, այսպիսի ֆրանսիական աղանդեր պատրաստելուց հետո, կարող ենք ձևավորել նաև մարմելադով և թարմ հատապտուղներով
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
