Վիտամին D-ն նպաստում է կալցիումի, երկաթի, մագնեզիումի կլանմանը։ Դժբախտաբար, վիտամին D-ն առկա է ընդամենը մի քանի մթերքների մեջ, որոնցից են հիմնականում ձկնամթերքը, նարնջի հյութը, կաթնամթերքը և ձուն:
Վիտամին D-ն շատ կարևոր է ամուր ոսկորների համար, քանի որ, ինչպես արդեն նշեցինք, այն նպաստում է կալցիումի կլանմանը։ Վիտամին D-ի պակասն արդեն իսկ բարձրացնում է օստեոպորոզի, ռախիտի, նույնիսկ քաղցկեղի առաջացման հավանականությունը։
Վիտամին D-ի պակասի պատճառով առաջացող առողջական խնդիրներից են նաև՝
Ասթմա – վիտամին D-ն բարելավում է թոքերի ֆունկցիան և կանխում է ասթման։
Օստեոպորոզը – եթե օրգանիզմում չկա բավականաչափ վիտամին D, ապա կալցիումը չի կարող պատշաճ կերպով կլանվել, իսկ կալցիումն ամենակաևորն է ոսկորների ամրության համար։
Սրտի առողջություն – արյան բարձր ճնշումը կարելի է նվազեցնել՝ օգտագործելով վիտամին D:
Ընկճախտ – մի շարք հետազոտություններ բացահայտել են վիտամին D-ի պակասի և դեպրեսիայի միջև կապը։
Ալերգիաներ – շատ հավանական է, որ այն մարդիկ, որոնք տառապում են ալերգիաներով, ունեն վիտանին D-ի դեֆիցիտ։
Բորբոքումներ – վիտամին D-ն հիվանդությունների դեմ պայքարող միջոց է, քանի որ խթանում է իմունային համակարգը։
Այնպես որ, որպեսզի օրգանիզմը լինի առողջ, այն չպետք է ունենա վիտամին D-ի պակաս։
