- Մատուցվում է:15 րոպե անց
- Նախն. ժամանակ:15 րոպե
- Պատրաստման ժամանակ:60 րոպե
Թաբուլեն արևելյան աղցան է, որի հիմնական բաղադրամասերն են կազմում բլղուրն ու մանր կտրտած մաղադանոսը։ Այս կերակրատեսակի հայրենիք են հանդիսանում այնպիսի երկրներ,
ինչպիսիք են Լիբանանը ու Սիրիան, այնտեղ թաբուլեն մատուցվում է աղցանի տերևների վրա։
Թաբուլեն ընդհանրապես շատ բազմատեսակ է լինում: Մառոկկոից մինչև Պակիստան բազմաթիվ երկրներում պատրաստում են այս աղցանը, ամեն մեկը՝ յուրովի:
Բաղադրիչներ
- բլղուր - 150գր
- լոլիկ - 250գր
- մաղադանոս - 2 կապ
- անանուխ - 2 ճյուղ
- հյութ կիտրոնի - 100մլ
- սոխ - 1/2 հատ
- սոխ կանաչ - 1 ճ/գդ
- ձիթայուղ - 2ճ/գդ
- աղ - 1/3թ/գդ
- ջուր - 300մլ(եռման)
Պատրաստման եղանակ
- Թրջում ենք բլղուրը եռման ջրում և թողնում 1-1,5 ժամ (փակ կափարիչով), ապա քամում ենք ավելորդ հեղուկը քամիչի միջոցով:
- Առանձին ամանի մեջ լցնում ենք մանր կտրատված սոխը, լոլիկը, անանուխը, մաղադանոսը, կանաչ սոխն ու խառնում:
- Ապա ավելացնում ենք թրջած բլղուրը, կիտրոնի հյութը, աղն ու ձիթայուղը և խառնում:
Ստացված աղցանը թողնում ենք, որ հանգստանա 15 րոպե և մատուցում:
Ցանկության դեպքում կարելի է փոխարինել թաբուլեում բլղուրը կուս-կուսով
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
