Բաղադրիչներ
- Շերտերի համար՝
- կարագ - 360 գր
- շաքարավազ - 210 գր
- ձու - 6 հատ
- վանիլին - 1 թ/գդ
- ալյուր - 425 գր
- փխրեցուցիչ - 2 թ/գդ
- կաթ - 100 մլ
- սննդի գունանյութ
- Կրեմի համար՝
- կարագ - 300 գր (սենյակային ջերմաստիճանի)
- պանիր մասկարպոնե - 300 գր
- շաքարի փոշի - 300 գր
Պատրաստման եղանակ
- Շերտերը թխելու համար ավելի լավ է 2 հատ մոտավոր նույն տրամագծով ձևամաններ ունենանք. օրինակ 21 և 24 սմ տրամագծով։
Կարագը շաքարավազի հետ հարում ենք այնքան մինչև կրեմանման զանգված ստանանք։
- Ավելացնում ենք վանիլինն ու ձուն` հատ առ հատ, յուրաքանչյուր ձուն ավելացնելուց հետո լավ խառնում ենք։ Ավելացնում ենք փխրեցուցիչի հետ խառնած ալյուրի կեսը և խմոր ենք հունցում։ Այնուհետև ավելացնում ենք կաթը և լավ խառնում, որից հետո ավելացնում ենք ալյուրի մնացած մասը և կրկին խառնում։
- Խմորը 6 հավասար մասի ենք բաժանում և յուրաքանչյուրը մի գույնով ներկում։ Խմորը դնում ենք յուղաթղթով պատված ձևամանի մեջ և տեղափոխում ենք մինչև 180 աստիճան տաքացրած ջեռոցի մեջ։ 12-15 րոպե թխում ենք և սառեցնում։
Կրեմի համար հարում ենք կարագն ու մասկարպոնեն, աստիճանաբար շաքարի փոշի ավելացնում։ Այնքան ենք հարում մինչև համասեռ զանգված ստանանք։
Եթե կրեմը կտրվել է, պետք չէ տխրել։ Կաթսայի մեջ եռման ջուր ենք լցնում, այնուհետև կրեմը դնում ենք եռման ջրի գոլորշու վրա և հարիչի միջին ուժեղության վրա հարում ենք այնքան, մինչև համասեռ և հարթ կրեմ ստանանք։
- Շերտերը կրեմով պատում ենք, այնուհետև մնացած կրեմով պատում տորթի երեսն ու կողքերը։ Ձևավորում ենք ըստ ճաշակի և երևակայության։
Շերտերը կարող ենք ավելացնել կամ պակասեցնել` ըստ նախասիրության և ձեռքի տակ եղած ներկերից ելնելով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
