Տավարի միսը մոնղոլական ձևով
- Մատուցվում է:Անմիջապես
- Նախն. ժամանակ:15 րոպե
- Պատրաստման ժամանակ:25 րոպե
Բաղադրիչներ
- միս տավարի - 400 գր (սթեյք)
- օսլա (крахмал) եգիպտացորենի - 2 ճ/գդ
- բուսայուղ - ըստ անհրաժեշտության
- կոճապղպեղ (имбирь) - 2 թ/գդ
- սխտոր - 3 պճեղ
- սոյայի սոուս - 100 մլ
- ջուր - 50 մլ
- շաքարավազ շագանակագույն - 3 ճ/գդ
- սոխ կանաչ - ըստ ճաշակի
- բրինձ - մատուցելու համար
Պատրաստման եղանակ
- Սթեյքը պատրաստում ենք այս բաղադրատոմսի համաձայն:
Սթեյքը բարակ շերտերով կտրում ենք, թաթախում օսլայի մեջ ու երկու կողմից տապակում բուսական յուղով: Հենց որ միսը ոսկեգունում է, վերցնում ենք թավայից ու դնում թղթյա անձեռոցիկի վրա: - Սխտորը մանրացնում ենք, կոճապղպեղը մանր քերում: Լցնում ենք թավայի մեջ ու մի քանի վայրկյան բովում, որպեսզի անուշ բույրը տարածվի: Ավելացնում ենք ջուրը, շագանակագույն շաքարավազն ու սոյայի սոուսը: Եփում ենք 2 րոպե, հետո միսը լցնում սոուսի մեջ ու ևս 3 րոպե եփում:
- Մոնղոլական ձևով պատրաստված տավարի միսը մատուցում ենք կտրատած կանաչ սոխով ու խաշած բրնձով:
Մոնղոլական ձևով պատրաստված տավարի միսը դուր կգա հատկապես ասիական խոհանոց սիրողներին, այնպես որ, եթե Ձեր շրջապատում այդպիսի մարդիկ կան, շտապե՛ք ուրախացնել նրանց
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել