Ինչո՞ւ է չեղյալ հայտարարվել Դոմինիկ Ջոկերի երևանյան համերգը

Դոմինիկ Ջոկերի երևանյան համերգը, որը պետք է կայանար օգոստոսի 5-ին «Radisson Blu Yerevan» հյուրանոցում, իսկ օգոստոսի 6-ին՝ Արամ Խաչատրյան մեծ համերգասրահում, չեղյալ է հայտարարվել։ Այս մասին BlogNews-ի հետ զրույցում հայտնեց «Euromusic Entertainment»-ի PR տնօրեն Լուսինե Խաչատրյանը։

Նա նշեց, որո որոշում կայացրել են դեռևս օրեր առաջ՝ հաշվի առնելով Հայաստանի ներքաղաքաական սրված իրավիճակը։ Ըստ Լուսինեի՝ չի բացառվում, որ համերգը կայանա աշնանը, սակայն դա դեռ հաստատված չէ։

Ընկերության PR տնօրենը նկատեց, որ համերգի նկատմամբ շատ մեծ հետաքրքրություն կար։ Լուսինեն հայտնեց, որ արդեն իսկ կազմակերպել են վաճառված տոմսերի մեծ մասի վերադարձը։