Ամերիկյան հայտնի շոումեն Կոբի Պիրսոնը փողոցում մոտենում է անծանոթուհուն և առաջարկում զբոսնել միասին, բայց աղջիկը պատասխանում է, որ ժամանակ չունի: Սակայն այն բանից հետո, երբ նրանց է մոտենում շքեղ ամենագնացը՝ ամեն ինչ փոխվում է: Ահա այս ամենից հետո, երբ Կոբին աղջկան նորից առաջարկում է շփվել՝ աղջիկը համաձայնում է:
Խոսակցության ընթացքում պարզելով, որ աղջիկը ընկեր ունի, Կոբին անծանոթուհուն առաջարկում է instagram-ում ընկերներ դառնալ և հետո էլ շարունակել իրենց շփումը: Աղջիկը համաձայնում է: Այդ պահին իրենց մոտեցած ամենագնացից Կոբիին դիմում է վարորդը և հայտնում, Կոբիի մասնավոր ինքնաթիռը 20 րոպեից թռիչք է կատարելու և իրենք ուշանում են:
Ահա այս պահից աղջկա խոսակցական տոնը լրիվ փոխվում է: Տղայի առաջարկով նա մտնում է մեքենան: Արդեն մեքենայի մեջ տղան աղջկան առաջարկում է իր հետ մեկնել Մայամի: Աղջիկը դեմ չէ, բայց ասում է, որ ընկերոջ հետ ժամադրված է, ուստի պետք է նրան զանգել ու չեղարկել ժամադրությունը: Կոբիի ներկայությամբ աղջիկը զանգում է ընկերոջն ու ասում, որ վատառողջ է ու չի կարող ներկայանալ նախատեսված ժամադրությանը: Աղջիկը ուրախ է, Կոբին ձևացնում է, որ նույնպես:
Սակայն թռիչքից անմիջապես առաջ Կոբին աղջկան խնդրում է դուրս գալ ինքնաթիռից ու լուսանկարել իրեն ինքնաթիռի պատուհանից նայելիս: Աղջիկը դուրս է գալիս ինքնաթիռից ու այդ պահին ինքնաթիռը շարժվում է ՝ թողնելով աղջկան խաբված ու լքված:
Ամբողջ պատմության տեսանյութը՝ ստորև.
