Ֆրանսիայի Նիս քաղաքում տեղի ունեցած միջադեպի հետեւանքով առնվազն 77 մարդ է զոհվել, ավելի քան 120–ը` վիրավորվել: Դեպքը տեղի է ունեցել ֆրանսիական ազգային տոնի՝ Բաստիլի գրավման օրվա առիթով միջոցառման ժամանակ: Բեռնատարը Նիսի կենտրոնում մարդկանց ամբոխի մեջ է մխրճվել, դրա վարորդը նաև կրակոցներ է արձակել մարդկանց ուղղությամբ:
Ֆրանսիական BFM TV-ի հաղորդմամբ՝ տեղական իշխանությունները գործում են այնպես, ինչպես եթե տեղի ունեցածը ահաբեկչական հարձակում լիներ: Մարդկանց խնդրում են փողոցներ դուրս չգալ:
Պատահարի պատճառը հայտնի չէ: Սակայն որոշ ականատեսներ պնդում են, որ բեռնատարը կանխամտածված է մխրճվել ամբոխի մեջ:
Բեռնատարի վարորդին ոստիկանությունը գնդակահարել է, մեքենայի խցիկում հայտնաբերվել են նռնակներ և զինամթերք:
Ըստ NICE MATIN պարբերականի` բեռնատարի վարորդը Նիսի բնակիչ է, ազգությամբ Թունիսեցի, 31 տարեկան։
Video from the start of the #BastilleDay attack in #Nice. I hear "Allahu akbar!" at 0:14. You too? https://t.co/TD6aTqHjeB
— Dutch Deacon Blues (@ddeaconblues) July 14, 2016