Tert.am-ը գրում է.
Ապրիլյան պատերազմից հետո նույնիսկ հայկական կողմը ադեկվատ չի գործում իրողությանը, ԼՂ հարցում կողմերի փոխզիջումը պետք է ձևակերպվի, բայց ձևակերպվում է ոչ բավարար ձևով. այսօր հրավիրված ասուլիսին նման տեսակետ հայտնեց Դեմոկրատական կուսակցության նախագահ Արամ Գ. Սարգսյանը:
«Եթե մենք գնում ենք փոխզիջումային տարբերակի, պետք է հստակ ձևակերպենք՝ որն է մեր փոխզիջումը: Փոխզիջումը պետք է լինի խաղաղության ամբողջական պայմանագրով, եթե չի լինում, արդյունքը այ այսպիսին է լինում»,-ասաց նա:
Ըստ Արամ Սարգսյանի՝ սեղանին նույնիսկ հայկական կողմը նորմալ ձևակերպված «բարաթ» չունի՝ իրավական հիմնավորմամբ: Իսկ «բարաթ», ըստ նրա, պետք է լինի, նախևառաջ, Հայաստանի կողմից Արցախի ճանաչմամբ:
Ասուլիսի մյուս բանախոս ՀՀԿ-ական Մկրտիչ Մինասյանը նշեց, թե միայն տեսականորեն ասել, որ պետք է ունենալ խաղաղության պայմանագիր, ճիշտ չէ: Նա հստակեցրեց. «Մենք ասում ենք, որ առաջին հերթին Ղարաբաղի անկախությանը պետք է ճանաչվի»:
Արամ Սարգսյանը հակադարձեց. «Ո՞ւմ կողմից, եթե դուք չեք ճանաչում: Մենք պետք է ճանաչենք ԼՂՀ ձևավորման օրինականությունը և նրա անկախ գոյությունը Ադրբեջանից, հետո նոր հանրաքվեով ԼՂ բնակչությունը որոշի՝ միանո՞ւմ է մայր Հայաստանին, թե ոչ»:
Ամբողջական հոդվածը կարող եք կարդալ այստեղ