Նյու Յորքում ապրող մի չինացի դիմել է տեղական բանկին` իրեն երկու շաբաթով 5,000 դոլար վարկ տրամադրելու խնդրանքով: Որպես գրավ նա առաջարկել է իր Ferrari սպորտային մեքենան, որն արժե 250,000 դոլար:
Երկու շաբաթ անց, ինչպես և չինացին խոստացել էր, նա բանկին է վերադարձրել 5,000 դոլարը և 14 օրվա համար տոկոսը` 15 դոլար 41 ցենտ: Գործարքի ավարտից հետո բանկի աշխատակիցը հետաքրքրվել է, թե որն էր իր գործողությունների իմաստը` վերցնել կարճ ժամանակով փոքր վարկ, այն էլ այսպիսի թանկ գրավի դիմաց:
Մեքենայի տերը բացատրել է, որ Նյու Յորքում երկու շաբաթով 15 դոլարի դիմաց նման թանկարժեք մեքենայի համար հսկվող կայանատեղի գտնելը պարզապես անհնար էր, և ավելի հարմար և ապահով միջոց ինքը չէր էլ կարող մտածել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել