Գերմանական Բունդեսթագի կողմից հունիսի 2-ին Հայոց ցեղասպանության ճանաչումը հանգիստ չի տալիս Ռ.Էրդողանի մանկլավիկներին... Էրդողանի "Արդարություն և զարգացում" կուսակցության անդամ, պատգամավոր Մեթին Քյուլունքը, Haberturk հեռուստաընկերությանը տված հարցազրույցում դժգոհելով Բունդեսթագի հայամետ որոշումից, սպառնացել է գերմանացիներին, որ օրինագիծ է պատրաստում, որով առաջարկելու է Թուրքիայի օրենսդիր մարմնին ճանաչել Նամիբիայում 1904-1907 թթ-ին գերմանացիների կողմից իրագործած ցեղասպանությունը հերերո և նամա ցեղերի նկատմամբ, որի պատճառով սպանվել էին այդ ազգերի ներկայացուցիչների 80%-ը... "Եթե պատմաբանները ցանկանում են իմանալ, թե ինչպես են իրագործվում ցեղասպանությունները, ապա նրանք պետք է ուշադրություն դարձնեն Գերմանիայի, Նորվեգիայի և Անգլիայի վրա, քանի որ ցեղասպանությունները ծնվել, տարածվել և իրագործվել են Եվրոպայի շնորհիվ... Օրինակ ՝նրանք պետք է ուսումնասիրեն անգլիացիների կողմից իրագործած ցեղասպանությունը Ավստրալիայում, ֆրանսիացիների կողմից՝ Ալժիրում, գերմանացիների կողմից՝ Նամիբիայում...",-շարունակել է իր զառանցանքը թուրք պատգամավորը։Այս ամենը հիշեցնում է տրագիկոմեդիա... Զավեշտը նրանում է, որ հերերո և նամա ժողովուրդների նկատմամբ գերմանացիների կողմից իրականացված ցեղասպանությունը պաշտոնական Բեռլինը ճանաչել է 2004 թ-ին և ներողություն է խնդրել այդ ժողովուրդներից... Բացարձակ անտրամաբանական է, որ Անկարան փորձում է այդ ժողովուրդների ողբերգությունն օգտագործել Գերմանիային պատժելու համար, քանի որ գերմանացիները կատարելով "քայլ ձիով" և ընդունելով իրենց նախնիների գործած մեղքերը, թույլ չեն տալիս, որ որևէ մեկն այդ ողբերգությունն օգտագործի սեփական նպատակներով և ի վնաս Գերմանիայի... Մի բան, որը չեն հասկանում Անկարայում և շարունակելով հերքել Հայոց ցեղասպանության իրողությունը՝ թույլ են տալիս, որ շահագրգիռ կողմերը Հայոց ցեղասպանության "դամոկլյան սուրը" միշտ պահեն Թուրքիայի գլխին...
Հ.Գ. Չեմ զարմանա, եթե Նամիբիայի նախագահը ժամանակին Ալժիրի նախագահի պես Անկարային ցույց տա իր տեղը՝ խորհուրդ տալով չմիջամտել իրենց ներքին և արտաքին գործերին...
Նյութի աղբյուր՝ https://web.facebook.com/gagik.hambaryan/posts/1045594158857866?__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
