Tert.am-ը գրում է.
Գալուստ Սահակյանը ցավակցական ուղերձ է հղել Շչորս Դավթյանի մահվան կապակցությամբ։ Այս մասին տեղեկանում ենք ՀՀ ԱԺ մամուլի ծառայությունից։
ՀՀ ԱԺ նախագահի ցավակցական ուղերձում ասվում է.
«Խորապես վշտացած եմ բանասիրական գիտությունների դոկտոր, պետական-հասարակական գործիչ Շչորս Դավթյանի մահվան կապակցությամբ:
Իր երկարամյա և բեղմնավոր աշխատանքային ու հասարակական գործունեության ընթացքում Շչորս Դավթյանն արժանապատվորեն դրսևորվեց և՛ որպես լրագրող, և՛ որպես պետական գործիչ: Նրա կենսագրությունից անբաժան էին հայ մշակույթն ու մասնավորապես գրական աշխարհը, որոնց նվիրվեց ու մինչև վերջ հավատարիմ մնաց անդավաճանորեն:
Կորստի այս ծանր պահին անկեղծորեն կիսում ենք Դավթյանների ընտանիքի, հարազատների ու մերձավորների վիշտն ու ցավը»:
